副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【養兒信直覺】

「好彩你地有入院,無病徵肺炎我地先驚,唔可以等食藥,即刻靜脈注射,媽媽要狠心一點喇。」有人話,媽媽同小朋友心裡係有種聯繫,呢種聯繫,會唔會就係「了解」?話說我家樹熊仔有日一如以往,開開心心放學,跑跑跳

「好彩你地有入院,無病徵肺炎我地先驚,唔可以等食藥,即刻靜脈注射,媽媽要狠心一點喇。」 有人話,媽媽同小朋友心裡係有種聯繫,呢種聯繫,會唔會就係「了解」? 話說我家樹熊仔有日一如以往,開開心心放學,跑跑跳跳食左興奮劑咁,之但係媽媽直覺,有古怪… 一探熱39.6度,well, 完全無任何病徵,無咳,無鼻水,無精神不振。到達診所,40度,即入私院急症。 等左兩個鐘,食左退燒藥,退左少少燒,急症醫生話可以回家觀察:「只係淋巴有少少腫啫。」爸爸媽媽我地,覺得都係好古怪,樹熊仔平時感冒都唔會咁高燒,堅持入院觀察,做測試都好。 到病房見兒科醫生,一檢查: 「佢個肺好多痰! 肺炎!」 當時,我個口係合唔埋,吓…好地地肺炎… (急症醫生又話佢無事...) 即刻照肺片,結果係一邊肺已花晒,兒科醫生一句: 「我都奇怪點解會收症,不過好彩你地有入院,無病徵肺炎我地先驚,唔可以等食藥,即刻靜脈注射,媽媽要狠心一點喇」 確診當晚,高燒燒到天昏地暗... 果五日四夜日子…兩三個鐘就黎一次高燒,樹熊仔一路燒一路打冷震,抱住我:「媽咪...好辛苦...」「手仔仲咩事?」「好驚...」體溫一路標上去,over 41, 燒得密到唔可以再食退燒藥…… 除左心痛就係心痛,(都未計壓住佢被姑娘醫生種豆的心痛)。 另一方面,真係諗如果無理佢,會點,返左屋企,會點,遲左用藥會點... 好彩嘅係,當日堅持入院做岩左個決定。 請相信直覺,為自己小朋友而堅持。   雙職樹熊媽的心機心情: www.facebook.com/moodykoala