童書分享： animal hidAmazon ⭐️⭐️⭐️⭐️ 睇極唔厭系列 由bb6個月開始，我就買買買！買好多布書，咬得既書，用手摸既書！ 呢本書我係fun to read outlet買既，一開始我就研究未夠一歲睇咩書呀~爬左好多文睇左好多資料！當然仲有一半童真既我，見到畫風得意又靚既繪本又係狂買，都唔理咩時候啱bb~funtoread啲書真竹係好平又好多種類，行成個鐘都唔捨得走~ 好多bb最鐘意玩peekaboo,呢本就可以比仔仔打開搵動物又有好多手感位，羊咩咩個頁我仔最鐘意摸!到左大啲歲半之後如果佢準備好數數字，呢本又可以教佢，明明有兩隻牛，點解得一隻既？ 小朋友學得最快就係動物，種類多但睇得多都好快學識！我自己就唔怕佢學識動物名先定叫先，最重要係佢肯開口講野！ 講開開口講野，好多人話我仔好多野講，因為呀媽都好多野講，但其實我對住佢又未至於好多口水!但聽人講過屋企越少語言種類對小朋友越好！所以我選擇用自己最叻既語言同我仔溝通！我亦唔太介意佢選擇學咩先，一歲多啲既時候佢先學動物既叫聲，指住隻動物佢就會學佢地叫，再大啲開始知動物個名！到歲半，問佢動物點叫佢都識扮個隻動物^^我多數係用中文講既，只係有時都會講下英文，因為佢都成日講野啦，唔怕多一種語言，唔太開口講野就唔用多種語言啦，怕佢會混淆！到左一歲九個月，佢突然識得講豬pig！牛cow等等...我真係覺得一開始有比佢睇書一開始就陪讀真係好有用呀! 不過都係一句：唔好比較，有遲有早！尤其男仔其實學野真係比較慢！有左心理準備之後，所有野都會變得簡單！