之前試左咁多個月就算遲黎M都係遲2－3日 到真係Bingo個個月明明仲有一日先到Due Day 硬係覺得有D唔同，就拎左枝紅D（Check排黎驗卵試紙）黎驗下 上網睇話紅D都可以驗到＠＠點知好深色 之後已經去買驗孕棒準備第2日朝早驗   驗孕棒必須用晨尿嗎 在使用驗孕棒的時候,女性朋友應該儘量採用早晨的第一次尿液進行檢測 因為這個時候的激素水平最容易檢測出來。 實在不行的話,要保證尿液在膀胱中起碼四個小時才用來檢測。   第2日一早起身Check，真係Bingo左！！！仲要好明顯下 即刻叫肥老大起身，係咁同佢講"中左阿，中左阿" 佢仲係迷迷糊糊既狀態完全唔知我講乜 等佢醒左我地就落去食野，佢就同我再去買多2個唔同牌子既驗孕棒再Check 番到屋企開多枝黎Check，都係2條線～～ 就即刻上網睇下人地會點做，個個都話早D去拎懷孕證明會好D 個日係復活節假期最後一日，好彩樓下診所都有開   好深色，順利拎到懷孕證明 用Last M計BB既EDD就係21/12/2017   拎左懷孕證明之後就要去醫院登記啦 因為我一心都係諗住順產，所以直接揀左會去政府生 而我2個地址就可以揀QE或者廣華 原來呢2間都係網上話比好既   QE 醫院大，設施較新，但非常非常多人排QE生仔 只要夠早去排期，唔使高齡都有機會有期照結構 有笑氣，有無痛打 廣華 醫院較細，大裝修中，但兒科比較出名（Touchwood有咩事） 好多人都話醫生姑娘都比較好同較有經驗 純自然生仔，乜都冇   比較過之後我決定揀QE，因為我唔知自己可唔可以咁叻純自然生阿B出黎 第2日朝早肥老大就陪我去QE登記   QE登記新症於日間療養中心四樓，須帶備： －父母身份證 －懷孕證明 －住址證明（三個月內）（QE跨區都有機會收）   我地大概8點50左右就到左，9點先開始登記 但仲有人早過我地去～大概等到9點10分就到我地 都係問番1D基本資料，之後就比左一個期我地番黎見姑娘 我4W5登記，第1次番黎QE見姑娘已經係10W啦   好漫長既等待⋯⋯