雖然我係一個好驚青又咩都唔敢博既媽媽，但矛盾點一定有，我居然敢未陀穩b去旅行???? 一直想生小朋友既我太緊張搞到結左婚成年都無b，每次見紅都好失望，想放棄既時候領養左兩隻汪汪！或者分散一下既時候會比較好比較放鬆比較易中！ 是的，係不知情既情況低下，陀b永遠最穩....我都唔知點解！未知有左個一個月，我一家係年初一去左芭提雅避年！當時我差不多經到，但一直都無到，又諗唔起有機會有小朋友，所以我瘋狂跳水！一有機會我就跳落水游水！仲跑嚟跑去！當時我媽問一向好準時經到既我點解仲未到，而且對臭味咁敏感？係咪有左？我先開始興奮返到香港忍唔住即刻買驗孕棒，驗到有左個種興奮到手震既感覺真係到依家小朋友已經兩歲都仲記得！ 第二個旅行係剛好12週！個個都話3個月前都好唔穩，要非常小心，但我到左5個月先正式宣布自己有左，因為我認為5個月前都好唔穩... 因為一早book好機票酒店，所以我掙扎左好耐上網睇左好多山埃！最後問清楚醫生先！醫生話去旅行無問題我陀得好好，去個短期旅行放鬆下都好，唔好太勞碌就可以，攰就休息！搭飛機無問題，氣流其實無影響既！開埋啲藥帶去旅行萬無一失啦！ 係啦，網上個個話最怕氣流影響又話搭飛機好多幅射！其實就無咩野既，雖然我好驚青有好多野會避免，人為危險多數避，但好多野係你就係你，幾小心都無用！所以我抱住呢個想法亦祈左好多禱，最後一切順利就非常感恩啦！感謝主！ 不過唔好講笑，剛好12週都非常累人，好懶個人都唔太想郁，所以第二個旅行去濟洲都無咩心機！加上成日落雨，行步路都怕跌，又無咩野買，所以更加無心機^_^;不過要戒口既我去旅行就好放肆啦，完全無戒口，最多唔食白蘿蔔！但炸雞照食，凍飲照飲！放鬆下啦！一次半次無問題既！ 其實懷孕去旅行洗咩怕呀？最主要係另一半唔係豬既隊友！我老公就係半隻豬啦，話說佢成日叫我小心地下滑有水小心跌，佢好心拖實我但佢滑左一滑先，好彩我無跌抵！唔係一定嚇死大家！有時我行前面呢半隻豬仲要唔小心踩到我腳踭，不過我覺得搞笑多都無點發脾氣！已經算對佢好好啦！ 陀bb旅行唔緊要，最緊要大家開心，陀得開心對bb都有好多好處架～