我Bella11月頭出世，屬於細B。 我記得陀住佢既時候， 有幾位母親同我講， 下胎要生大B喇， 你肚入面呢個做超大B啦！ 原來有媽媽會好緊張大B細B理論， 其實當時我邊有意識去理大B定細B, 我每日只是好專心地數緊胎動， 完全對大B細B的概念吾知吾覺。 Bella出世後， 專心湊佢只會顧住佢既食飽訓健康， 成長里程全部跟書養， 更加吾會覺得佢係細B有問題。 不要時間真係過得快， 最近又係要報PN同K既季節， 好多平台已教人面試技巧， 我終於感覺到細B真係執輸D， 當我仲唸緊會吾會比Bella讀PN班， 上網望過幾間學校既時候， 隨時都吾到我地唸想讀定吾讀， 無錯好多都係開始接受報名， 但好多註明8月初前出世才合資格報名， 即是後補表都吾比遞， 連面試既機會都無！ 其實我不難理解幼兒園既想法， 一來要足兩歲先可以讀N， 插班生太多並非間間學校都想， 而且插班位都未必多， 二來，一月出世同十一月出世比較， 大仔早左10個月識行識講野， 當然係易控制既易教D啦。 如是者即是話要讀N， 就又要再去搵過另一間肯收表的囉， 同時又要唸埋若面試吾得， 咁要保險既話到底要報定幾多間？ 其實我一向都傾向順其自然， 只係返個N, 甚至K， 我應該都吾會報跨區要搭車的了， 但屋企附近有N讀既幼兒園又不多， 只餘下一間未開始接受報名， 如果又不接受申請，或面試後吾收， 插班又無位，那就更注定讀N無緣， 索性吾讀N吧！ 畢竟我覺得N都只係比多個環境， 跟不同既人比Bella去面對去相處， 有多個方玩固然好， 但若果無我都不太擔心， 當初做全職媽媽， 就係想花多D時間自己教好佢陪佢玩。     至於做吾做超大B，11月初真係超大吧， 要再睇Bella既發展了，反正一定不會刻意， 加上我覺得當小朋友去到 K2/3學懂自理後， 大B細B既發展距離都已經越拉越近， 而且我成日都認為， 一個人始終都係性格決定命運多， 並非生日月份， 所以都會集中培養佢既性格發展， 開開心心過童年先最重要。 所以就算細B執輸， 都係執輸於入學頭一兩年既取錄模式， 雖然細B會較難獲取錄， 但我相信仍然有幼兒園會有教無類的。 什麼要人再生就要生大B， 難道9～12月吾再有BB出世嘛？ 什麼赢在起跑線之類的建議， 難道又保證會赢一世嘛？！     < 許許與小BELLA > 未生小Bella前非常慢活, 愛hea即hea是個自由人, 而家當上新手媽媽全職帶娃, 雖然每日只有忙與累, 但跟小BELLA嘻嘻哈哈過每一天, 看著她在歡樂中成長原來更有趣~ 從前喜歡分享美容, 生活, 入廚及旅遊樂, 如今更有機會寫下更多育兒誌, 歡迎到我地FACEBOOK專頁瀏覽更多生活趣事分享~ FB專頁: www.facebook.com/huihuiplayground 聯絡我們: jassmine_tea@yahoo.com.hk ~ BLOG足跡 (BEAUTY, LIFESTYLE, DINE, MOM & BABY) ~ TheZtyle  She.Com  BeautyExchange  OpenRice U BABY  ESD LIFE  MyBB.Com  香港媽咪幫 BlogSpot