副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

好想懷孕

上次講開陀B旅行,今次講下懷孕過程!我由小學既夢想就係做湊仔婆,我無咩大志,連願望都係嫁個好老公!夢想係24歲前生個BB!最好生女先,因為我對上有個呀哥,一點都無照顧我....唔同佢嘈唔同佢打交已經係

上次講開陀B旅行,今次講下懷孕過程! 我由小學既夢想就係做湊仔婆,我無咩大志,連願望都係嫁個好老公!夢想係24歲前生個BB!最好生女先,因為我對上有個呀哥,一點都無照顧我....唔同佢嘈唔同佢打交已經係我小四了...加上以前周街玩都係D大姐姐去照顧我,所以感覺上女係會識照顧人先,生個女先再生多個仔~~多完美!!!!! 話咁易........咩..... 到左24歲仲未嫁人仲要分埋手,不過願望都無太大出入,都嫁左個好老公! 首先,我咩奇招都會想一想,婚前行為好易中,所以我同老公商量婚前兩個月唔好避,不過老公比較保守所以婚前一個月開始唔避成交...... 產前檢查啦,無問題!食中藥戒凍飲無問題!!去旅行散散心又試過!返工太長時間好大壓力調做兼職都搞掂! 再測體溫再計排卵再買埋排卵紙!再叫老公食生蠔!唔比佢食煙!再勤力啲...老公話因爲我太緊張太想要先一直都無.....好傷心好傷心!好想30前生一個呀.......祈禱祈禱再祈禱勁祈禱! 都年半啦,我放棄啦!年半咋喎就放棄?係呀!放棄啦!橫掂其實祈左禱上帝就會係我準備好既時候比我,一定會揀最好既時間比我,一定比最好既我!我信! 之後因爲一直都想領養於是領養左兩隻....勁多人話我蠢....明明想生仲養兩隻,咁有左點?點搞得掂呀?心諗咁易有咩.....有先算啦!! 兩隻狗狗真係好多問題⋯⋯皮膚差到一個極點,健康又差!又未絕育,又唔慣搬第二個地方.....非常非常可憐!兩個月全副心力放係兩隻野到!咁就有左啦...... 無錯呀,你唔諗生仔既問題,就算一個月同老公一次....都會中............之前仲緊張左咁耐!!橫掂我好鍾意狗,加上幾個朋友結左婚三年都係無BB,領養左隻狗又有左....所以真係因為我地都太想要BB啦嘛!!!!! 我想講........真係嚟得唔係時候......不過我唔會因爲有左唔要兩隻汪汪囉!但頭頭真係好辛苦!但都值得好值得!! 感恩感激!感謝主! P.S.我都知衰啦,成日想生女先...所以咪生仔囉!我知我下個都係仔架啦~因為我真係想生個女...SORRY.......   然後....如果想生第二個又要諗諗點了.....唔通再領養咩....唔會囉!!!! 希望第二個好快中...好多人話第二胎好易有,但我身邊既朋友都遲遲未有第二胎....... 又重覆之前既... 1. 調理身體 2. 排卵紙 3. 旅行放鬆 4. 搵多D挑戰同仔仔一齊做 5. 勤力D........