副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

第一次同BB住酒店~(0-6個月BB旅行用品清單)

係未生小朋友之前,我係一隻無腳既雀仔 :p結婚後,因為工作關係同自己本身好鐘意去旅行,所以基本上最少隔個月就飛,近呢2年直頭每個月都會飛~不過宜家有左蠔豉妹妹,飛既次數就係時候減少了~由於妹妹宜家得3

係未生小朋友之前,我係一隻無腳既雀仔 :p 結婚後,因為工作關係同自己本身好鐘意去旅行,所以基本上最少隔個月就飛,近呢2年直頭每個月都會飛~   不過宜家有左蠔豉妹妹,飛既次數就係時候減少了~ 由於妹妹宜家得3個月多啲啲,所以就算想去旅行都係打算去下澳門就算~不過因爲未幫妹妹申請特區護照,所以就黎一個香港遊~係香港住下酒店relax下 :p   由於第一次帶妹妹出街過夜,所以都好怕帶漏野,好彩最後都無驚無險~   以下為2日1夜既份量~   衣 : 夾衣 - 2件 出街衫 - 2套 襪   因為怕晚上妹妹會整烏糟衫仔,所以就算1晚我都帶2件夾衣~ 出街衫都一樣,帶定多套無蝕底~ 而襪同鞋仔就大家決定,因為10月頭仲好熱,所以我就無帶襪~   食 : 奶樽 - 1個 溫度計 - 1個 餵奶巾 - 1條 電動雙泵 - 1套 流動單泵 - 1套 冰袋 - 1個 冰種 - 1個 洗潔精 - 少量   由於蠔豉妹妹訓前嗰餐習慣用樽餵,我會用奶泵泵出黎先,到飲之前就用暖水座返暖~ 所以就要帶一個樽同溫度計確保啲人奶係40度以下~ 因為蠔豉妹妹都開始戒到夜奶,零晨嗰轉就緊係用Philips Avent開雙泵,啦啦聲15分鐘泵晒2邊就再訓過啦! 而洗潔精都係必備!之前我試過無帶出街,第二餐泵既奶我倒左...因為都係用洗潔精洗完奶泵再用滾水燙過安心用第二次~   住 : 包被 - 2張 紗巾/口水肩 - 每日用量 尿片 - 每日用量 x 1.5 尿墊 - 2張 消毒噴霧 - 1枝 濕紙巾 - 1包 消毒沙布 - 1包 生理鹽水 - 1樽 沐浴露 - 少量 潤膚液 - 少量   包被係一張出街,一張留係酒店訓覺用~   紗巾係用黎餵奶同沖涼、洗頭用~   尿片、尿墊、消毒噴霧、濕紙巾係換片4寶!平時出街換片,我會先消毒一下再墊尿墊先放妹妹落換片架到,始終唔知上手有無抹返乾淨嘛~   消毒紗布同生理鹽水就用透抹面、手脾,因為妹妹面同手既關節位都有啲熱痱~   由於只係2日1夜,最後我地係懶得濟,只係幫妹妹抹身,無沖涼 :p   行 : 孭帶 - 1條 咬咬巾/紗巾 - 1對 BB車   係酒店到食自助餐或者附近行下,當然就用BB車啦~   不過出去周圍行,點都係孭帶方便~記得,用孭帶記得帶咬咬巾或紗巾,如果唔係,妹妹啲口水就流晒落自己到=.=...   大致上BB既部分就咁上下囉~ 最後,大家記得同酒店預留BB床~因爲每間酒店有BB床既數量唔多嫁~ 到妹妹到大概6個月,識食固體食物同坐得穩,我相信要準備既野一定更多~到時再同大家分享囉~   我終於都幫蠔豉妹妹開左FB la~大家想睇佢日常無聊事就可以睇下:p 蠔豉妹妹之貓奴生活   Facebook : 80後的人妻「旅」友  Instagram : https://www.instagram.com/wingring/ 邀稿 : wingring417@gmail.com / wingring@ymail.com