Timtam仔大約7個月大開始，發現佢有時候會自己拎起手掌，然後隻手開合開合咁郁，佢自己就牛咁眼望住隻手，好似研究緊隻手點解會郁嘅呢！ 有一日，我突然想到，不如就教佢用呢個開合的動作，用來對人講bye bye！當每次婆婆離開回家，或爸bi朝早返工，我都拎高Timtam仔隻手，教佢同人講bye bye時，隻手就開合開合咁郁。 開頭Timtam仔都唔係好知做緊咩，但我教多佢幾次，佢開始好似知道每當聽到byebye，提高手時，隻手就要開合咁郁，大約一星期，佢已經學識左呢個手勢喇！不用我示範佢都識自己bye bye喇！ 呢樣係我第一樣教識Timtam仔做的事（之前爬行動作都係佢自己自然學識，我冇太刻意去教佢做）其實係佢先有呢個手掌開合的動作，我再引導佢延伸呢個動作的意義。 其實，我地做爸爸媽媽的，子女是好動文靜怕羞大膽，他們的性格特質我們一定最清楚，因材施教是非常重要，你不會要求一條海豚去爬樹，海豚只懂游泳，硬要他去學爬樹，做得不好又不開心，何苦呢！ 最近參加了一個講座，令我有很多反思，如何教育子女是一門很大的學問，我自己的宗旨，是性格能改變命運，所以我會注重Timtam仔的性格培養，還有創意的思維，創意無論是將來的世界以及他日後解決困難的能力，有創意是非常重要！ 我曾經都希望Timtam仔將來能當醫生，見到今年個個10A狀元都說志願是要當醫生，我在想，到底有多少個是真心想當醫生呢？還是這只是他們父母灌輸的「志願」？ 一條會爬樹的海豚，係好叻！不過海豚要付出多大努力去做如此違反他本性的事？過程他又開心嗎？是否值得呢？ 讓孩子發掘自己的興趣和潛能，因材施教，將來他們自會找到可讓他們發揮潛能的領域。 黎Timtam仔Facebook page睇下佢點同你講byebye啦！ FB: http://m.facebook.com/timtamblog/