近日轉天氣，秋風起，天氣乾燥， 聽到公公同卡樂B都有幾聲咳， 於是即刻買料，煮煲雪梨蘋果無花果水， 有助潤肺化痰止咳~大小朋友都適合飲用～   闔家宜飲食譜10M+：潤肺化痰止咳 雪梨蘋果無花果水 材料 雪梨 3個 蘋果 3個 無花果 4粒 蜜棗 2粒 南北杏 少許 水 1800ml   做法 1. 將所有材料洗淨 2. 蘋果及雪梨去皮去芯，切件 3. 凍水將所有材料放入煲中 4. 開大火煲滾後，轉細火煲1小時左右即可飲用 在街市向各位美女姐姐取經後，得出以下包甜方程式 (●´∀`●)： 1. 無花果切勿切片，及需凍水落 2. 蘋果及雪梨需去芯，否則會有苦味溢出 3. 蘋果及雪梨都一定要凍水落 補充資料 很多時煲雪梨蘋果無花果水，都不會去皮， 因為果皮都有一定的功效～～ 不過因為今次卡樂B都會一齊飲， 我有少許擔心果皮中存留太多農藥及果蠟， 所以最後都決定去皮，感覺上安心點～～ 此湯水基本上10個月以上的BB 可以嘗試飲用， 不過要留意，因為有南北杏成份， 所以千萬不可以每天飲及代替水！ ＝＝＝＝＝＝＝＝＝＝ 任何 合作試用／邀稿／出席活動／主持 歡迎聯絡LULU，Email：lululittlekitchen@gmail.com ＝＝＝＝＝＝＝＝＝＝ 想即時知道 LULU & 卡樂B 動態，請 Like LULU Little Kitchen  ♫LULU Channel♫ 個人網站 ︱Instagram︱Facebook 親子王國BK Milk作者︱MamiBuy 駐站部落客︱媽媽經駐站作家 PressLogic - Mami親子日常 ︱Mybb.com︱ESDlife Cook1Cook食譜分享︱點煮網︱Chef Diary Openrince 新晉食家 ︱Poortravellers窮遊香港駐場博客︱UBlog Beauty Exchange CERTIFIED BLOGGER︱亞洲時文社 Blogger She.com︱Cosmo＠talk