我之前話唔報N班，點解突然又去IN N呢? 其實係我報錯左...哈哈!!咁都得??YES!!!! 緊張左好多日!點解IN迦南會咁緊張既呢?我又未至於好想我仔入..... 我估因為我本身好唔鐘意面試，第一同第二份工都唔洗我點IN，所以我係一個好幸運既人唻，只係估唔到搵幼稚園又要面對面試既壓力，好恐怖好驚呀>< 我好怕自己講錯一句累左個仔讀唔到書，雖然今年讀唔到仲有出年可以做大B，但我唔想下年又再一次面對面試壓力!!! 一直以為IN K1，上網做晒功課，學校教學呀，點樣填表呀!咩都睇!!!連問卷我都用左成個鐘去填，點知去到..... E.....個個小朋友都咁細既!!!!已經緊張到個腦空白一片!!! 入到課室搵個位坐好，小朋友玩下玩具，老師就叫家長是但一個去另一間房聽課程簡介!就算呢間唔係心水，我今次都帶埋老公，睇下會唔會好D!不過佢完全幫唔到手.......真係差D喊出唻....所以第三四間我都未必帶埋老公....... 聽課程我已經有少少走神，不過聽到佢講左句:係呀，2~3歲班係有功課既!! 我一望張台....唔少下喎...... 聽完跟佢出去戶外操場搵返小朋友就排隊再入課室聽野......哇......我仔滑左一次滑梯就話要排隊佢緊係同我死過啦...... 入到課室得我仔死嘈爛嘈:我想出去呀，我想出去玩呀!!!!!! 好彩我有帶本書比我仔睇.......好彩我仔鐘意睇書.....靜晒.... 之後就個別見啦!!! 老師問我仔名幾歲我仔有少少怕羞好細聲不過都答到! 但問顏色就唔得啦，只係咁講白色!!!老師問左好多次無一次答到..... 之後呤D水果出唻問我仔，我仔好快答晒後面仲加個囉字.......最後老師問:呢個你應該未見過，係咩? 我仔好大聲:菠蘿囉!!!!!! 呀...................................................我估無行啦.... 之後呤卡片同毛巾牙刷水杯出唻問佢洗面用咩，刷牙用咩, 飲水用咩!我仔都答晒! 老師同我講就算讀到N出年都要再IN K1，因為唔會直升亦未必收返你小朋友，同埋係無上晝班既!你OK? 我實話OK啦!!!! 最後老師叫仔鍚我一啖比個公仔佢再叫佢泊返D櫈講BYEBYE走得!!!! 老師個公仔....係咪即係無行呢...... 出到去我已經無晒心機好唔開心因為我報左N班...我覺得自己好蠢!!!然後見到個街坊佢女都係IN N班，佢同我講左唔IN N既話直接入K1只有0.1%...想讀一定要讀N先!!!咁我真係錯有錯著???到時先算，如果其他都唔收K1咁而迦南咁都收我就睇下點啦...... 我本身唔鐘意谷既學校，報名只係因為佢近屋企但經過面試我對位老師有少少扣分，但校工加分!!!今次當係一個好好既經驗!!!