有左新生命之後，心情一定會好興奮，但頭個3個月伴隨住自己既，就係害喜既症狀。好似一個前哨戰咁，比你準備一下自己真係做媽媽既感覺。成日都作嘔作悶主要都係因為荷爾蒙分泌改變，令到自己腸胃、口味都會改變。 仲記得自己係有左BB 個半月後就開始出現害喜既情況， 一訓醒就想嘔，食完又會想嘔，最記得既係有次食完IKEA之後即刻嘔返晒出黎，成件事就好似怕肥既人，食完會扣喉⋯⋯ 係呢段時間個人真係好攰，真係好想舒緩一下害喜既情況！！ 以下呢幾樣食物、習慣就可以令我「起死回生」，希望都可以幫到經歷緊害喜既準媽媽！ 1.梳打餅 – 每朝肚空空就特別容易想嘔，食早餐之前食包梳打餅可以令我胃酸平衡D 2.Muji柚子&金柑糖 – 有時搭車個陣，口淡淡又會想嘔，呢隻糖甜甜地又酸酸地，可以令我即刻無左想嘔既感覺！！ 3.得力素 – 以前只係會係考試前食，但成日嘔都會令身體葡萄糖唔夠，會引起頭暈，所以都要補充下葡萄糖啊 4.少食多餐＋清淡 – 有時食得太多太油，會刺激腸道同個胃，令個胃適應唔到 5.自備膠袋 – 嘔呢家野真係預唔到時間，帶定個袋預防搭車個陣突然想嘔，咁就唔洗怕整污糟D地方啦其實每個媽媽都會有經歷呢段比較辛苦既時刻，唔需要太擔心會影響個BB。萬一情況真係好嚴重，例如體重下降左好多，出現脫水情況，就真係要去睇醫生啊！！       歡迎媽媽們一齊交流／了解更多90後做媽媽既點滴！將會有更多有趣，扮靚、健康、育兒等等既心得分享！ Facebook：https://www.facebook.com/90sMummy/ Instagram: https://www.instagram.com/minarainlo/