秋高氣爽，去露營係一個唔錯既選擇。一家人窩在帳篷裡，睇住星空講故事，特別有feel，各位爸爸媽媽趁住假期不妨帶小朋友到戶外親親大自然丫！   香港青年協會賽馬會西貢戶外訓練營   位於遠離繁囂的大網仔小山谷內，環境幽美。雖然並唔係新開，但營區配套設施勝在夠齊全，而且由宿舍至食堂都都裝修過令，算是新淨靚仔，岩晒小朋友去玩！場內室內、外玩樂設施可供一家大細玩。   室外的活動分水陸兩玩，不過部分玩意有年齡限制，如獨木舟要十二歲以上，另外游繩亦設有小朋友迷你版本，大人細路都照顧到！   膳食方面，有訂團餐可上新飯堂食大圍飯，而冇訂團餐的話，就可以去全新開張嘅cafe 食嘢，落地玻璃窗外望無敵海景，一般茶餐及飲品都有得供應，價錢大約跟市區相若，絕不取考！       詳情：www.otc.hkfyg.org.hk     CARAVANS露營車   位於大嶼山塘福的CARAVANS露營車，夠乾淨及又有冷氣歎，而且麻雀雖小，五臟俱全，車內電飯煲、焗爐、雪櫃、微波爐等家電，方便媽媽煮飯俾小朋友！營地內還有燒烤場及兒童遊樂設施提供。     詳情：www.facebook.com/pages/Caravans-Hong-Kong/222232964609682     名樂漁莊   位於天水圍的名樂漁莊，可以遠離繁囂，住在一片郊野地中的露營帳篷，尤其寫忘。其中最受歡迎有「泡泡酒店」（Bubble Hotel），特點是「透明度極高」，躺下即可看到野外和一大片星空。而每一個泡泡酒店設有充氣睡牀和充氣梳化，比傳統露營舒適得多，外形亦cyber，好適合同小朋友打卡影靚相！   不必擔心，泡泡酒店內可以加裝冷氣機以及不透明的廁所和浴室，大大提高舒適度，一家人周末舒舒服服住進camp 內，日頭望椰林樹影，夜晚一齊數星星，心情都靚晒。     網址：www.minglefarm.com     YMCA 蒙古包   在香港原來都可以體驗這個蒙古包生活！位於南丫島索罟灣的YMCA南丫康樂營，極其廣闊，六個大蒙古包，內有碌架床及冷氣，仲有個天窗，看着天花的蒙古花紋，別有一番風味！小朋友就住蒙古包，大人亦可以選擇在包外紮帳篷，好好體驗露營的滋味！除了露營之外，場內有不少親子活動，如獨木舟、草地玩飛碟、歷奇活動等。     詳情：www.ymcahk.org.hk/lamma