副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

這樣坐月,體質像重生一樣好

 

  各位準媽媽,坐月真的好重要!我都曾經唸住當自己西人坐月,咩禁忌都唔會理!但最後因好朋友的教訓,我就乖乖做足哂坐月要做的事!好多人話,生產過後,如果好好調理進補,氣血經過調理後,將以前身體不好的毛病都可以調整,體質可以比生產前更好!原來係真架! 不如先講下我坐好月之後,身體有什麼好的轉變: 1. 嚴重經痛從此消失 我係有嚴重經痛,痛到係會頭暈落唔到床,食哂止痛藥都冇乜用!但生完阿B之後,坐完月大約產後四個月再黎經期,從產後第一次黎經期開始,我的嚴重經痛完全消失,一d痛的感覺都冇,係黎左都唔知!完全冇唸過會咁神奇!個種感覺係猶如重生一樣! 我真係有d後悔,應該要早d生仔!可以痛少幾年! 2. 不再怕冷 以前我好怕冷,手腳經常冰冷,老公話熱要開冷氣,我要穿長袖外套!產後竟然和老公調轉,當我熱到出哂汗,我老公竟然話覺得涼! 3. 精神好左,冇再容易頭暈 我身體一直不太好,經常都會頭暈,但坐完月後應覺精神左,唔再頭暈,亦冇咁容易病! 睇完我親身的經歷,係咪覺得坐好月好重要呢!就只講冇左經痛已經好值得!我係得到好朋友的分享,佢第一日出院已經洗頭,以前佢係從來都唔會頭痛,產後佢就開始有頭痛問題出現,叫我真係要聽傳統的說法去坐月。 我歸納左幾點坐月一定要注意: 1. 唔好洗頭 因為朋友的經驗,所以我都乖乖冇洗頭長達20日!其實通常過12朝先洗比較好,好多陪月都話其實第一日都可以洗,不過就要用薑水洗,記住洗完要立即徹底吹乾頭髮,主要係怕風寒入左身體,我就怕麻煩,直頭唔洗! 2. 沖涼要用薑水 沖涼係可以的!但都係要用薑水洗!我果時係有用曬乾的薑皮水煲水沖涼,另外亦用左薑粉,一包包沖水好方便!不過價錢比較貴! 3. 洗手都要用薑水 我生完係醫院,覺得太麻煩就冇用薑水洗手,用左生水,宜家有時手指的關指會感覺痹痛,又係以前唔會咁,當然我唔肯定是否用左生水洗手而引致,如果可以唔用,就唔好用生水洗喇! 4. 食五更飯,每餐都要食飯 我就真係冇5點起身食飯,不過早餐一定係食飯,無論增乳同增強體力,我覺得一早食一碗熱騰騰的紅棗瘦肉飯係坐月期間係開始一天能量的來源,基本上每餐都要食飯,好肥?之後先慢慢減肥啦! 5. 飲大量炒米茶,適時湯水進補 我每日飲大約3L的炒米茶,再加媽咪煲的湯水進補,我自己上過陪月班,原來進補係要兩三星期後,惡露完哂先可以飲,因為產後子宮收縮,令惡露逐步減少,呢個時候進補就會行氣活血,反而令惡露增加! 6. 多食薑醋、雞酒 產後兩三星期後,惡露差不多完,就可以進食薑醋飲雞酒,我果時每日都會飲一碗,飲完會感覺身體溫暖,對補身很有幫助!我宜家都有繼續飲架! 7. 唔好食飲生冷食物 冷檸茶係我至愛,但產後我完全戒掉凍飲,魚生壽司大約產後100日先食,生冷食物對子宮有害無利,可免則免! 8. 避免外出, 以免生病 產後要時間令身體復原,又要照顧bb,有什麼需要就叫老公買,盡量避免外出,因為萬一染到病菌而生病就會好麻煩,照顧唔到bb又餵唔到人奶,身體本來已經虛弱,再病一病真係好傷身架!除了去健康院外,我坐月期間都冇出過街架! 準媽媽們,真係要乖乖坐月呀!我都係年輕媽媽(年年28歲!)我本來都唔信傳統的一套,但親身經歷後發現,傳統坐月法係有它的依據,30日換來體質改善,真的很值得! ~~~~~~~~~~~~~~~~~~~~ 黎facebook比個like我啦!會有更多好物推介! Timtam仔的成長日誌 ~~~~~~~~~~~~~~~~~~~~