等待多麼痛苦呀......但呢種心情真係唔想忘記! 面試到11月中已經完成晒心水學校，之後既都唔再去面試啦!去一間都已經好攰....所以好佩服好多小朋友可以一日內面試4間!!辛苦媽媽又辛苦晒小朋友! 好多上一代既都唔明我搞咩鬼咁緊張，點都有學校收架啦!!我都信既，就算細b都一定有學校收!但我緊張，因為我真係唔想去咁遠讀姐....又唔想比我仔坐校巴.... 我揀學校首要都係近，第二都要校風好既!!!唔緊張就奇啦，最近個間都唔少人報名架..... 我細個轉過三間幼稚園，小學雖然無轉學校，但搬左幾次屋!!中學都轉過兩間學校(利申:唔關我個人性格問題)我幼稚園試過行返學，試過搭校巴，諗諗下我啲記憶真係好早就有!行返學真係好方便，我有咩唔舒服屋企人又會即刻到唔洗等好耐!!搭校巴個時我都差不多k3，搭左半個學期，搭校巴無咩問題，仲可以識多幾個唔同級唔同班既同學!有時仲會覺得自己大個女可以自己搭車!!到左小學，一落樓就係，小一已經自己返學咁滯，個種方便係我自己最嚮往，不過搬左屋要行多十幾分鐘我都差不多要一路行一路食早餐了....我年代功課少都ok，依家D小朋友功課咁多，時間就係金錢，越近屋企越快做晒功課越快有得玩，我自己係咁諗既!當然所有出發點都係因為我係一個懶媽.......越近屋企我比自己既時間越多，唔洗下下接返學放學一兩個鐘又唔洗搭校巴可以慳返D錢....前幾日仲同老公講過，幼稚園讀三年如果近既唔收就忍下，如果小學讀6年近既唔收，我會直接搬去個頭!!佢問我點解死都唔想佢搭校巴.....ER....可能我都好怕到佢讀小學功課多到要係校巴到做...... 以上講咁多都係想我自己清晰D個目標，如果鑽石山間靈糧收，我都未必會讀了....雖然真係好鐘意D老師...... 話說11月4號面試完啟思之後佢就立即通知11月25日前會有消息!到左20號呢個星期簡直係難捱到一個點.....時間過得好慢好慢..... 一多野諗就上網睇下野，上網打"啟思"兩個字都已經好多野睇，有人已經收到通知入到啦~再睇下D新聞呀，講法呀，睇到篇野寫住10月後出生既小朋友，老師會建議家長再後一年先報K1.....嚇自己啦!!朋友又話佢仔女面試時咩都答到都唔收啦...嚇到我真係好緊張!!!! 22號已經有通知啦掛....23號.....24號因為要返兼職好早起身，8:30....9:00....9:30...係咁更新EMAIL，電話一向唔開聲都開埋聲，同事仲問我搞咩鬼!!!10:10 叮!睇到有信件啦!!個心就爆炸.....好緊張呀....一睇收左啦!!!!真係大叫左出唻!好耐無試過咁刺激啦.....手到震晒，個種興奮真係要搵個同事大大大大力咁攬下....D同事都替我好高興，因為唔洗再成日聽我講話我仔無書讀咁點之類....哈哈!!睇左幾次封信，叫埋同事確認!!!真係收啦，仲要係上午正取生!!!!!!YEAH~~~~~ 不過依家諗返今朝個情況，應該真係好失態....首先我係放低晒手上既工作，之後大叫左出唻，D客人望住晒，雖然佢地都好似好替我高興.......不過有D唔好意思....再諗下，因為自己兼職地方都係屋企附近，好多客都成日幫我打探下有無識人可以幫我推薦，分分鐘我仔入到都係因為D客....所以做所有野近屋企都係最好!!!!!!!!!!!!萬歲~~~~萬歲~~~~~另外，有人即時同你分享個種喜悅真係好過自己係屋企暗自興奮既!!!!! 獎勵個仔買左格消防車比佢，雖然日日都買車仔比佢咁滯..............................開心就得啦!!!!!