副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

我的好/豬隊友!?(準爸爸都要被體諒!)

生左蠔豉妹妹後,除左我成為人母外,老公都由一個細路快速成為一個男人 :p我諗好多人係BB出世後都會好care媽媽~始終身體要時間康復,心理又會有好大變化~不過大家都唔好忽略爸爸既感受!其實男人都一樣好

生左蠔豉妹妹後,除左我成為人母外,老公都由一個細路快速成為一個男人 :p   我諗好多人係BB出世後都會好care媽媽~始終身體要時間康復,心理又會有好大變化~不過大家都唔好忽略爸爸既感受! 其實男人都一樣好大壓力,大部分未成為爸爸前既男生都無女生咁成熟~由佢知道另一半有左之後,我諗對佢地既衝激都好大~~所以,媽媽們都要得閒體諒下爸爸們 :)   以下有啲個人覺得準爸爸/爸爸可以參考一下既 Do or Don’t !   好隊友 (Do) 1. 幫手換片 BB剛出世時好多時都會喊,不過喊多數都係因為餓或者濕左片片~老公多數都會主動幫手換片~ 就算到宜家,如果得我同老公2個照顧妹妹,老公都會主動去換!真心十個讚!   2. 幫手餵奶/掃風 雖然我以前主力埋身餵人奶,不過宜家返左工之後,就變成泵媽了~妹妹要用奶樽就靠老公/工人姐姐了~ 老公久唔久都會主動話幫手餵~之後仲會一路餵一路問妹妹:爸爸奶好無食?   3. 幫手沖涼 自從陪月姐姐走後,95%既時間都係我同老公一齊幫妹妹沖涼! 其實對住一個初生bb,沖涼呢件事我係最無信心...因為好似好危險,又怕妹妹大喊... 好彩老公好好,同我一齊學點沖~仲會一齊幫手沖~呢個係完全屬於我地三個既親子時間!妹妹都超級enjoy~宜家一沖涼就會笑 :)   4. 俾啲私人時間媽媽 爸爸、媽媽都係一份無得辭職既工,成世人流流長,有時俾媽媽放下假,同啲fd出去high tea~食下飯,放鬆下好無? 媽媽出街時,預備定人奶/奶粉,再講好幾點返屋企就ok~爸爸們千奇唔好講到媽媽出街食個飯、行下街就好似唔理頭家、會餓死個女咁誇張好無?大佬,唔放假真心人都癲...   5. 陪老婆多啲,一齊面對轉變 香港既男士侍產假真係少得可憐,得3日咁大把...(建議出院後嗰3日先放假,係醫院有姑娘、姐姐照顧,老公其實都無乜做~) 老公公司有5日侍產假,加埋星期六、日都有9日~呢幾日其實真係超級重要!出左院後,真係一個超大既挑戰!加上仲未好了解蠔豉妹妹到底點解成日喊...加上妹妹因爲黃既問題,頭一個星期日日都要返醫院照黃,自己又擔心但又好攰。好彩有老公一齊面對,有時真係好攰好想訓,全靠老公陪我一齊捱!有時更加佢自由一個頂去俾我訓覺~(不過一訓我就塞左奶...)   豬隊友 (Don’t) 1. 掛住打機 拿,打機本身無問題~但麻煩打啲可以”暫停”既game好無? 真係無人會估到bb幾時會大喊,而偏偏逢老公開game無耐,蠔豉妹妹就會大喊!準到呢... 但由於老公啲game唔可以暫停,我只可以反一反眼之後就默默去氹妹妹=.=... 拜託,玩啲暫停到既,或者打機前先講聲,等我地有個心理準備~   2. 返工大晒 都明白係香港真係無得hea,想生活過得好啲,好多時爸爸、媽媽都要返工,係媽媽放產假既時候,爸爸就已經要返工~ 不過,返工唔係大晒,爸爸們千奇唔好覺得早上返工已經好攰,放工返屋企點解仲要幫手照顧bb?其實,新手媽媽真係俾你地返工更攰...更何況多數媽媽都知爸爸返工辛苦,零晨bb有啲乜都又係媽媽自己撐...爸爸們可能一日連續訓到4-6個鐘...而新手媽媽呢?   3. 說話不要太負面 剛生完既媽媽,心理同身理上都有好大變化~爸爸們說話唔好太負面,因為媽媽們真係好易有負面情緒... 例如: “阿b咁快又餓?係咪唔夠奶?” —>”阿b又餓啦,佢胃仔咁細,真係要少食多餐!”   “阿b又瀨濕左啦!又要換片!” —>”阿b又濕左片片啦!有濕片姐係代表食得好!”   其實只要改少少,媽媽們聽落去已經好好多嫁啦~爸爸們就順便改善一下說話技巧囉 :p   記住!多左一個生命,爸爸媽媽都要時間適應同磨合~始終同新既生命唔算太熟~要慢慢互相了解喔 :p   我終於都幫蠔豉妹妹開左FB la~大家想睇佢日常無聊事就可以睇下:p 蠔豉妹妹之貓奴生活   Facebook : 80後的人妻「旅」友  Instagram : https://www.instagram.com/wingring/  邀稿 : wingring417@gmail.com / wingring@ymail.com