22 Aug 2017 Check 到 Bingo, 剛剛懷孕了 4W+4D 28 Aug 2017 到家計會取懷孕證明書, 收費$100, 比一般診所平, 因為第一胎，好多野都唔熟識，之後姑娘就同我講解程序及教我下一步先去屋企附近健康院排期 31 Aug 2017 呢日到了健康院排期，我當時係6W+1D, 政府正常around 夠12W 就會開始幫媽媽做產檢, 所以健康院安排了第一個期係10月12日 16 Sep 2017 本身諗住到10W先去搵私家照閃閃，因為太細要照陰超及怕大早照唔到, 會嚇親自己。點知9月15日around 6pm, 去洗手間時，發現留鮮血，呢日係8W+2D, 當時真係好驚，好驚小天使再次離開, 心好急，最後幸好打去St. Paul, 居然最快可以book 到第二日，醫生叫謝慧貞, 最後呢晚都訓唔著，好膽心 17 Sep 2017 終於可以見到 St. Paul 謝醫生, 老公陪住我入去檢查, 當時醫生有幫我嘗試照肚超，但可能仲細，睇唔清楚BB，最後都要做陰超，老公知我好驚，佢當時好溫柔握住我隻手幫我打氣，终於照到閃閃，呢一刻個心感動到即時喊左出來，喊到停唔到，知道BB 無事，第一次成功見到有小生命係自己肚裡面，真係好感動，醫生話BB Size 正常, 心跳正常, 唔洗膽心, 之後開了安胎藥給我及叫我多D休息，希望我可以更安心, 我都覺得好幸運，遇到謝醫生，佢真係好細心。呢日產檢連藥收費 $912, 都唔算貴，之後我打算keep住都會來呢道做產檢, 即時約定下一次產檢時間 29 Sep 2017 今次係第二次去 St. Paul 產檢，呢日係10W+2D, 自從我食了2星期安胎藥及多D訓床，已經無再流血了, 今次終於唔洗照陰超，可以照到肚超喇，醫生照完都話BB 心跳正常，size 正常，我心即時安樂晒，其實每次產檢前個心都好驚。今次收費 $455, 如果產檢來講，真係算平，地方又大環境又舒服，而且一定有位坐住等，我呢兩次都唔會等得耐，都唔超過30分鐘，所以有媽媽想搵私家產檢，St. Paul 謝慧貞醫生都係一個好選擇 10 Oct 2017 呢日係11W+6D, 照樣係St. Paul 做產檢及Book左T21, 雖然政府會安排我做Oscar, 但自己高齡，都係希望安心D, 雖然St. Paul 話佢地天主教，唔會透露姓別，但我都無所謂，只要係自己BB 健康正常就可以，將來一定會知姓別，遲知早知都唔重要, 呢日費用 Total $6011 (包括T21test, 鈣片，照超聲波) 27 Oct 2017 產檢加了解 T21 報告結果 一切正常，全部合格，終於又過左一關了，來緊就要等結構個關～今次產檢收費$455 12 Oct 2017 呢日係12W+1D，終於到了懷孕3個月, 今次第一次係健康院做產檢，都用左成個上午時間，由9am開始, 直到1pm 先完，不過每個姑娘及醫生都好好, 首先登記等叫名，驗尿，度高磅重，之後等姑娘單獨見面了解懷孕情況 及 Book 瑪嘉烈醫院度頸皮Oscar 個期，再等見醫生幫BB 聽心跳，但無得照超聲波, 再等抽3支血, 最後拎多種維他命(Materna), 就可以走得喇。另外健康院派了懷孕時應用小冊子，非常實用, 係等候過程可以睇下呵~ 17 Oct 2017 瑪嘉烈醫院度頸皮, 呢日係12W+6D, 姑娘好細心照，一路解釋，我見到BB好活躍，好興奮，無想像過政府醫院都照得咁細心，之後姑娘仲幫我約麻結構期，好似要向一關一關進發 最後, 我同老公都想比個乳名BB, 所以就改左~ 綿綿 ~呢個名喇, 來緊會一路補寫分享綿綿及媽媽既歷程呵~   綿綿媽媽的足跡 https://www.facebook.com/sukimama2018/ https://www.mamibuy.com.hk/home/13092 https://wow.esdlife.com/sukimama