副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

選購BB車心得~1歲BB係時候轉車啦!!!

Natnat未出世前,嫲嫲爺爺已經買咗一架BB車。當時奶奶問我想買邊部,我冇咩經驗就隨手選了一部,一直用一直用....直至1個月前,架車壞咗呀用不到1年就鞠躬盡瘁。。。然後用咗1個月BB孭帶,一個人出

Natnat未出世前,嫲嫲爺爺已經買咗一架BB車。 當時奶奶問我想買邊部,我冇咩經驗就隨手選了一部,一直用一直用.... 直至1個月前,架車壞咗呀 用不到1年就鞠躬盡瘁。。。   然後用咗1個月BB孭帶,一個人出街去買餸買日用品實在係好唔方便。。。 好想買過一部新的BB車~~~ 而且Natnat大個了(1歲多),可以唔洗用BB車,改用士的車會更方便。 只係喺呢個浩瀚宇宙裡面,士的車真係多到你唔信 最後終於忍唔住喺噚日BB展入咗呢部士的車啦!!!!   登登登登!!!就係呢部GB Pockit啦!!!! 開箱架BB車真係好細部,架車係平時大車高度一半度,可以上飛機唔寄倉。 跟一個收納袋,可以放入摺好的BB車,然後側孭行街。 開車啦~開車後覺得子靚女呀~粉紅色啱哂Natnat~ 開收車都好暢順,比我想像中容易! 推車好順手,因為前面2個轆係360方向輪, 所以單手推都冇問題!(前轆可以lock實成單向轆) Natnat第一次試坐車,都幾好~ 冇話唔肯坐,想落地的情況! GB Pocket第一次路試~Natnat都幾鍾意坐~ 唔會話想扭落地!! 而且座位比之前的大車高身, 申手可以觸到外面的事物,左右的視線不會被擋住, 實在係坐得幾開心!   而家出街喺多人商場,人群中穿插都冇問題! 上小巴可以摺好架車放腳邊,唔洗怕大車上唔到小巴~~ 好幾次仲坐到瞓着咗   平躺方面,雖然唔係話可以訓得好平, 但係坐得士的車既小朋友都唔會長時間訓,呢個斜度俾小朋友眠一眠係可以既!~ 有一樣嘢要注意的是呢部車要雙手開車摺車, 所以等BB大個識企先用士的車會比較方便~ ===================================== 產品資訊 GB Pockit BB車 適用年齡:6m+到17kg 開啟後尺寸:約長35 X 闊45 X 高102cm 摺合後尺寸:約長18 X 闊36 X 高35cm 重量:約5 kg     「讚好/Like」【Missta愛。下廚】 Facebook專頁設定「Follow → See First」      ★歡迎合作邀稿聯絡: missta@yahoo.com.hk