作為一個新手媽媽，迎接小生命真係好開心好期待！每一次行BB商品店都會好想買野比佢。見到衫仔好可愛又會想買、見到飾物又會好想買。但其實有時候都會買多左好多唔需要既野，始終初生BB好快大，D野好快就會唔岩用，到最後就會做成浪費（包括自己，真係忍唔住買左好多可愛既衫仔）。同埋BB衫都分好多類型，我有時望到都會覺得好懊惱！ 首先講左初生BB既衣物先啦！你要準備好多唔同類型既BB衫。 和尚袍 X 8 （綁帶款，可以買D長身同短身既袍） 羊毛內衣X2 （冬天用） 連身外衣 X 6 紗巾 至少12條 沖涼大毛巾 2-3條 手套、襪仔、帽各3套 尿墊 X 3 肚圍 X 2 口水肩 X 6 厚薄包被 X 2 床單床圍 X 2 蝴蝶衣參考圖       咁多唔同類型既BB衫其實又咩分別呢？ 和尚袍一向都係好似底衫咁，著係最入面，係初生至3個月最基本既內衣。 長袍和尚袍都係生初至3個月左右著，可以同短身內衣一齊著，又可以遮到腳仔。 夾衣比較貼服同方便BB郁，一般3個月以上就可以著，因為個陣BB都開始識轉身同成日都郁黎郁去。 蝴蝶衣下身係啪鏤設計，可以當褲仔咁，同時又唔怕BB踢腳時整開左。   作為一個新手媽媽，其實好多野都係要慢慢學、慢慢去成長。見到個肚一日比一日大，就好似提醒住自己為左BB要努力學習做一個好媽媽。好想同大家繼續分享唔同既歷程，等各位新手媽媽都可以知多D，但依加已經差唔多到預產期，唔知呢一篇會唔會係我生之前最後一篇文章呢？可能下一篇已經會係我生產既記錄文章。各位媽媽，我地一齊努力啊！ 歡迎媽媽們一齊交流／傾下計，成為我既同路人！留意我Facebook同IG會有更多更新同分享架！ Facebook：https://www.facebook.com/90sMummy/ Instagram: https://www.instagram.com/minarainlo/