副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

煮媽媽 - BB鮮奶饅頭

雖然湊住米豬真係好唔得閒, 但我都冇偷懶ga~~~ 早排就整咗鮮奶饅頭比米豬喇~我都知落去買袋包比佢做早餐好方便~ 不過街外食物始終唔知佢落咩, 點整, 最安全最好梗係媽媽出品啦~ 所以有時夜晚趁米豬

雖然湊住米豬真係好唔得閒, 但我都冇偷懶ga~~~ 早排就整咗鮮奶饅頭比米豬喇~   我都知落去買袋包比佢做早餐好方便~ 不過街外食物始終唔知佢落咩, 點整, 最安全最好梗係媽媽出品啦~ 所以有時夜晚趁米豬訓咗, 我就會開工整饅頭喇~ 因為已經係我認知範圍內最容易整, 整完又容易keep, 又唔熱氣ge包點~       我係跟呢個食譜再改良小小而整ge http://sharegum.com/2017/09/09/bb%E9%A3%9F%E8%AD%9C-%E9%AE%AE%E5%A5%B6%E9%A5%85%E9%A0%AD/?i=1   材料好易買到ga咋~~ 中筋麵粉 250g 鮮奶/配方奶/媽媽奶 140ml 乾酵母 3g 糖 10g+15g 鹽 1小撮 呢度整到8個女士拳頭咁大ge饅頭   除咗媽媽奶, 其他都係入supermarket就買得齊喇~   做法: 1. 鮮奶座到微暖, 加入10g糖同乾酵母, 撈勻後等15-20分鐘至起泡(其實唔起都得ge, 不過起泡就好明顯係酵母function中) 2. 麵粉+鹽+15g糖撈勻, 响麵粉中間挖個小洞 (好似火山口咁呢), 慢慢倒step 1 ge牛奶mixture入去, 一路倒一路撈佢, 直至倒晒所有奶為止 3. 不停咁搓呢個麵團, 搓到唔痴手為止, 太乾加多小小奶, 太濕就落多小小粉 4. 放入一個大兜度, 面頭冚塊濕布, 等麵團發酵30-40分鐘至一倍大 5. 工作枱灑麵粉, 麵團放上去碌平成4方型, 對摺6-7次(摺一次再碌返大又再摺) 6. 最後碌平成一個大長方型, 掃小小水响麵團上面, 由底卷上去, 變成一條瑞士卷咁 7. 分切成8等份, 頭尾通常都有D岩岩蠶蠶, 我會照要埋佢唔好0徒~ 8. 蒸架上放8塊牛油紙, 牛油紙上放饅頭, 冚濕布再發酵45分鐘 9. 凍水落鑊隔水蒸15分鐘 10. 完成~ 點解得返6個? 因為出爐好香我又搓到好肚餓, 食咗2個囉...... 其實仲有advance version ge, 可以落黑芝麻, 紫薯蓉, 蕃薯蓉ga~~~ 造法都係一樣, 不過响step3發酵前ge粉團拎1/6出來, 溝10g黑芝麻粉/紫薯蓉/蕃薯蓉, 再加返多小小奶,  搓到唔痴手就可以發酵(分盤呀~~) 到step 6就另外碌呢個味之麵團, 搽水落白麵團, 放呢塊碌平咗ge味之麵團落去, 味之麵團上再搽水, 卷起就會好似我呢次整0個D咁ga na~~ 勁靚呢~~  今次整咗黑芝麻味~ 蒸緊時已經勁香芝麻味na~~ **提提大家, 如果BB未試芝麻有冇敏感, 就唔好整呢個advance version住喇**   蒸完ge饅頭食唔晒, 可以攤到凍晒之後, 放入密實盒再放入冰格, 1星期內想食就蒸返15分鐘, 咁就好香軟喇~   米豬豬的page~ 每日都update~ 歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/