副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

產後極速修肚

Hena系9月尾岀世,而我系剖腹生產,說實話雖然我一直都吾系肥,但見個個都話生完個肚好難修,所以一直都好擔心尼個問題,而我又好心急想生完即修反個肚。但開刀後吾可以做劇烈運動,而坐月期間又要補身,點可以

Hena 系9月尾岀世, 而我系剖腹生產,說實話雖然我一直都吾系肥,但見個個都話生完個肚好難修,所以一直都好擔心尼個問題,而我又好心急 想生完即修反個肚。但開刀後吾可以做劇烈運動,而坐月期間又要補身,點可以均衡飲食修反個小肚呢?終於比我成功佐 我三個月都吾洗已經可以著反以前既褲,現在Hena岩岩先滿5個月 個個都話我生完都未生一樣,有d平時好瘦既朋友都問我點樣可以修反個肚肚露反條腰,到底有咩小幫手同心得呢? 1)果皮&無花果 剖腹生產後產婦產後胃腸道蠕動比較緩慢,容易造成便秘既問題,所以我頭2星期都無食容易脹氣既食物 例如:豆類、花生、奶類、高油脂及油炸食物、麵包、蛋糕、碳酸飲料。開刀後 飲果皮水,陳皮可以促進消化液的分泌,排除腸管內積氣。但其實味道吾太好,大家可以用果皮做其他料理 例如 果皮蒸肉餅。因為當時我系系醫院點餐,所以只系用一小塊叫家人滾水比我當水飲。另外一可以落床我就不停行黎行去,會不停偷偷放屁的 哈哈。果皮就好似有幫我放風既作用。   無論系醫院同反到屋企日日有飲同食無花果,無花果有潤腸通便的功效,有文章提過:女性食用無花果還可以起到很好的減肥瘦身的作用哦!這主要是因為無花果中含有的纖維素含量高、熱量低。我們食用無花果後會產生強烈的飽腹感,從而減少對其他食物的攝入,而且能加速我們體內的毒素排出體外,從而起到很好的減肥瘦身的作用。原文網址:https://read01.com/LLzmP0.html  我個人好鐘意食無花果乾,就算煲完焗完既無花果乾我都會食埋,建議選用美國無花果,個人覺得美國無花果比土耳其容易入口 味道偏甜。大家可以用系坐月既代茶中 加入埋無花果。 我坐月期間每日都有便便有時仲會有2-3次,而便便系正常。坐月後每次便秘去廁所去得吾好都會用無花果焗同煲吾同既代茶湯水黎飲 例如蘋果無花果水,百合無花果煲瘦肉湯,雪梨乾無花果焗水,龍眼肉杞子無花果焗水,紅棗南棗蜜棗無花果焗水。每日按心情做吾同既配搭,養生之如又潤腸通便。 2)塑身內衣+腰帶 剖腹生產後 護士會幫您帶上腰帶,我24小時帶住,出院後除佐沖涼 我都系帶住,2星期到 發覺已經好鬆吾岩帶了,我就去度身 買塑身內衣,一試上身已經見到效果。店員建議早上帶晚上要除,但我多數晚上訓教個陣帶,因為早上湊bb有時好熱所以無帶,但瘋狂起上黎24小時帶住都試過。如果早上要出街幾熱都會帶 因為帶佐呃得下人麻 哈哈。另外我再買一條普通纖腰帶 尼條比較鬆身 24小時帶住都吾辛苦,修反個肚之後我久吾久都會帶,有時仲會帶住訓。   下圖系我著上塑身內衣 再著便服既相,可以見到左邊日期 系10月中 我仲坐緊月,而右邊系11月,穿上後正面系完全呃到人,但側面會有小小凸起 同見到著佐腰帶。另外個人覺得 腰帶帶住傷口會無禁痛 無論系醫院個條定自己買既。 尼個都系我長帶既原因。     3)排水油 Clarins 排水油 其實我懷孕都有用黎按摩小腿,如果驚太油可以沖涼前按,乾燥日子我會加系body lotion一齊用,再做按摩。生產後我拎黎輕力按肚同大脾小腿。     4)補充纖維 湊b 加上又長期自己食,有時都會吾想煮會叫外賣。通常外賣都系多肉小菜,所以我會系個日早餐或下午茶既奶或麥皮 再加穀物粉,補充纖維。     5)小食多餐7成飽+一星期一日斷肉小甜 小食多餐 其實都系我由細到大既習慣,我成日都食4-5餐但餐餐都吾會食到好飽,小小飽肚就收手。由其湊hena 尼個bb成日系人地食飯佢就喊,整到成日食小小又安撫下佢 等一陣又再食。個人覺得正餐要有飯麵落肚 先有力氣湊bb 但食到7成飽就足夠了。 坐月後,我一星期有一日吾食肉類同糖,個日想飲湯都會煲無肉湯,例如紅蘿蔔粟米栗子素湯,雜豆湯。而個日吾會飲果汁汽水,而正餐以蔬菜生果澱粉質為主,簡單d黎講個日食素。因為自己習慣佐除佐早餐鐘意以穀物水果為主,而午餐晚餐慣佐要有飯或麵落肚,所以對我黎講介麵介飯無可能 點都要食半碗,但我會煲飯個陣落小小藜麥。 一星期斷肉小甜一次 多菜多豆為主對排毒清宿便真系好有幫助。   以上系我尼幾個月既心得,大家可以參考。當然肚肚系修到 但如果想肉肉實結都要做下運動,雖然生完bb為人媽媽但我都吾想做黃皮婆同師奶,要靚同時都要有健康,吾可以吾健康減肥,吾系點睇住Hena大個囡。各位媽媽一齊加油喇:)     By: Rina Lam Facebook: Hena’s LIFE 新手媽媽撞板日記 E-mail: Rinaaalam@gmail.com