副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

凡事多面睇

我係一個唔識同人嘈交既人,辯論比賽次次輸,因為我一開始就覺得每個人都獨特,每個人都有佢理由,每個人如果唔係殺人放火,其實都未必錯!過來人都未必一定啱,咁點解我地仲要去判定一個人啱定錯?人奶媽vs奶粉媽

我係一個唔識同人嘈交既人,辯論比賽次次輸,因為我一開始就覺得每個人都獨特,每個人都有佢理由,每個人如果唔係殺人放火,其實都未必錯!過來人都未必一定啱,咁點解我地仲要去判定一個人啱定錯?   人奶媽vs奶粉媽 近年提倡母乳,我作為母乳媽媽睇得多就自然覺得母乳係最好,長輩會覺得我仔瘦要我補奶粉,但我堅持唔補,母乳餵哺係香港未咁普及,會聽到好多閒言閒語,聽最多係:「你個仔又喊啦,一定係你無奶啦!」「咁瘦,你啲奶都無脂肪!」係架,但我都會同長輩講聲,我仔好瘦,但佢好健康!因為開始提倡母乳,所以好多人奶媽會唔小心勸奶粉媽轉人奶,尤其親朋好友最易因爲咁傷和氣!各持己見!奶粉媽就唔係好媽媽?奶粉媽就唔想比最好小朋友?最後我既奶粉媽朋友一講到唔餵人奶都講到好閃宿.....凡事兩面睇。香港餵母乳好多人得唔到支持好易抑鬱,從而影響奶量,繼而小朋友喊,抑鬱症狀提升,咁好易出事!奶粉bb比較易戒夜奶,媽媽有教好訓,而且奶粉媽定時定後餵奶,抱住小朋友一路唱歌一路餵,對小朋友嚟講,一定都係最好最安心最快樂!   全職媽vs 在職媽媽 有一次我fb睇到一篇文章關於全職媽同在職媽既一日時間表!全職媽有分兩類,1.係勁忙既媽媽.2.係我呢類懶媽!無工人既勁忙媽媽真係一日廿四小時都唔夠用!尤其泵媽奶粉媽,因為24小時入面要包暖奶沖奶洗奶樽消毒奶樽+泵奶(人奶媽)!做家務煮飯陪小朋友玩餵奶氹小朋友訓幫佢地沖涼換衫換片,咩都做,想抖下既時間都無!如果爸爸返嚟食飯打機唔幫手睇小朋友,咁呀媽就要一路洗碗一路出廳望望!我呢類懶媽係點?一日24小時,我做家務,全埋身,換片陪玩陪訓,煮飯!迫爸爸親子活動餵飯幫小朋友沖涼我就一路煲劇一路洗碗準備水果! 然後睇留言會睇到有人話我呢類媽媽既小朋友好似天生天養,都唔知小朋友長大會係咩人!懶媽唔代表唔錫小朋友,就因為懶,先可以無後顧之憂咁放手去同佢玩!家務?聽日先做啦,今日玩左先,訓左先!大人要有精神同小朋友玩先可以令小朋友覺得開心!太忙太大壓力個人好攰就好易燥,好易燥就好易怒,小朋友就感受到!所以做人一定要放鬆,唔洗日日都咁忙架,比自己抖下!偷偷地同小朋友訓下覺,都無人知啦!雖然好多屋企都唔容許全職媽媽偷懶,但想比最好既野小朋友,一定係媽媽既心境要夠開朗!咁心境開朗對夫妻嚟講都好重要呀⋯⋯ 亦都有人會話在職媽無做媽媽既責任,將湊仔既責任交比工人或者婆婆嫲嫲!我真心覺得不是吧⋯⋯在職媽媽係我好敬佩既人,返工搵錢,返屋企仲要湊仔!尤其母乳媽媽,返工仲要泵奶!小朋友大左,放工仲要睇功課同小朋友溫書,真係小小自己時間都無!真係覺得母親既愛可以去到好大好大好大!點解仲會有人諗在職媽無責任感呢?香港根本唔係你想唔返工就唔返工,環境許可先得架...   爸爸vs全職媽媽 爸爸返工搵錢真係好辛苦架!爸爸肯同小朋友玩,已經好好彩了!最好當然都幫下手沖涼之類啦!爸爸又唔好以為全職媽好嘆,即使係我呢類懶媽,都好易抑鬱!一個人只對住一個小朋友,依家唔打得,又盡量唔發火,其實媽媽真係好難搵地方發洩架!屈住屈住就好易病架啦!爸爸娶個老婆返嚟,係一段有小朋友既關係底下,都要諗清楚點解當初會同呢個女人結婚!如果想娶個工人返嚟,不如請個工人吧!好多媽媽會體諒老公,都希望多啲老公會體諒老婆!   P.S.以上都係好主觀地客觀分析下! 另外母乳媽媽唔好灰心,唔會無奶,心情開朗就會多起上嚟!小朋友瘦唔代表一切,無人支持都唔代表得自己一個,香港大把媽媽無人支持,記住,香港好多媽媽一齊奮鬥緊!到無可奈何地放棄,都唔好自責無比最好既小朋友!最好既永遠係媽媽你既笑容!共勉之!