【愛。育兒飲食】寶寶斷奶期轉食固有階段:媽媽要對我有信心同耐性呀! 睎晨妹妹現時13個月,終於愛上食固體食物及有意識自己用匙羹食飯喇。 其實妹妹早係6個月大既時候加入固體(食米糊及粥水),佢既反應熱烈效果良好。但直到8、9個月將食物「攞黎玩多過食」,仲未可以穩定地以一餐固代替人奶時,MAMA真係好灰。 之後MAMA用盡方法:嘗試行BLW、嘗試整不同花款既食物、買書搵食譜、又問埋其他媽媽既經驗後;發覺妹妹都係太愛媽媽奶,只好被迫中斷左放棄食固體,避免日後妹妹抗拒食物。 由10-12個月大,每日最多都可能只有1餐固體,而MAMA都非常擔心妹妹既體重及健康;直到滿1歲番健康院時,體重仍然係健康範圍先放心一點。之後姑娘建議飲食時可以比多一個匙羹妹妹嘗試自行學習(開始踏入學習既敏感期),MAMA就每餐都多預備一個匙羹後,就察覺到妹妹較喜歡自行用餐具飲食,明顯地大大提升食量。 深信每位媽媽都期望寶寶能健健康康地成長,而且飲食方面唔好「揀飲擇食,有咩食咩」!MAMA我都曾經試下陷入個種無助同艱辛既時刻,但只要多點鼓勵欣賞寶寶,以及尋找寶寶對食物較喜歡既接受程度去調整,相信一定有回報! 育兒小知識: 斷奶期指轉食固體食物過渡期分4大階段: 1.吞食期(5-6個月) 奶為主食,每日5餐;其中2餐加米糊或、果蓉或蔬菜蓉 2.壓食期(7-8個月) 奶為主食,每日4餐;其中1餐加米糊或、果蓉或蔬菜蓉;另1餐以粥+蔬菜蓉+肉蓉代替奶 3.咬食期(9-11個月) 奶每日3餐;其中2餐以粥/軟飯+蔬菜+肉及水果代替奶 4.嚼食期前及後(1歲-2歲) 奶每日2-3餐;其中3餐以粥/軟飯/通粉/烏冬+蔬菜+肉及水果代替奶;可加麵包/餅/芝士/蛋等 ⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯ 。FollowUs 。 Facebook: https://www.facebook.com/PAMA.BeWithU/ Instagram:https://www.instagram.com/pama.bewithu/ ⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯