副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【照完結構之驚險事件 腦室偏大係乜東東】

時間過得好快,不經不覺,丸BB已經13個幾月,肥肥白白好似健康咁成長緊。但其實回想起嚟,整個懷孕過程真係到爸媽鼻哥窿都無肉。作為媽媽,大家都希望肚中孩子健康成長,當中很多事都不是我們能控制的,很有聽天

時間過得好快,不經不覺,丸BB已經13個幾月,肥肥白白好似健康咁成長緊。但其實回想起嚟,整個懷孕過程真係到爸媽鼻哥窿都無肉。 作為媽媽,大家都希望肚中孩子健康成長,當中很多事都不是我們能控制的,很有聽天由命的感覺。懷孕中的媽媽能做的只有控制飲食、心情、舉止斯文,務求令BB以最健康狀態成長,孕婦亦只有靠每次產檢,透過超聲波、醫生、姑娘的經驗,得悉孩子的健康情況。 猶記得懷孕期間每次產檢都要等很久,但無論等多久,孕婦們都會等,因為大家都知道產檢有多重要。而整個懷孕期,除了寶寶每天跟隨步伐成長之外,可說是有幾個大關要過,首先是抽血驗地中海貧血,之後就是做唐氏綜合症度頸皮檢查。做度頸皮檢查是媽媽陪我去做的,醫院剛好安排了一個教授級醫生為我做檢查,已經令我感覺安心一點,然後她又十分仔細為丸B度頸皮,得出的結果又令人滿意,所以丸媽自己當時沒有特別外出做T21或其他測試。 接著另一個重大又緊要的照結構環節,初次懷孕的丸媽不知道原來照結構要早很多很多Book,結果導致時間不足而很多醫生都無期,左問右問又上網睇口碑之後,決定喺山林道一間診所做照結構檢查,約在BB 21週時照(最理想的照結構時間是20-22週),一邊照醫生都沒有說有何問題,直到完成之後,到醫生房聽醫生講解時,醫生才突然說出寶寶的右腦室出現了偏大的問題,正常是1cm之內,但我的BB則有1.1cm,雖然大了只是0.1cm左右,然而,由於引至腦室大的原因眾多,例如遺傳病、唐氏、病毒感染等,單是聽到這裡,眼淚已經忍不住。 由於醫生在此階段都不能確定原因,唯有寫轉介信回政府醫院作詳細的檢查,結果要等一星期才能到醫院照超聲波,這一個星期極度難捱,一方面擔心BB,另一方面又諗如果真係有事點算?!返醫院照完之後,結果亦顯示BB的腦室是偏大了,醫生建議抽羊水進行化驗,以了解BB的身體有沒有其他問題,別無他法而又時間緊迫的情況之下,我們亦只好接受帶有風險的抽羊水檢查。(聽到都真係心都實埋,抽羊水又好鬼驚) 由於當時已經第22週,而抽羊水化驗的報告要等2-3星期,我們亦只好加錢進行多一項同樣可得出結果的自費晶片檢查,睇吓會唔會係有其他遺傳病令腦室出現問題,如是者隔幾天又回到醫院進行抽羊水。 這幾星期的心情真的要崩潰了,首先要擔心抽羊水的狀況,又要擔心化驗報告,真的每想到最壞結果都要哭了,這才發現甚麼叫做無能為力,幸好,到最後所有化驗結果顯示正常,卻不知道究竟甚麼原因腦室會比正常大,醫生亦只能繼續留意著寶寶腦室的大小,如果沒有持續變大就已經好好。 可幸的是之後幾次再做檢查,都發現丸B的腦室有變細,更加所有生長都正常,回想起嚟真係唔容易,特別係抽羊水呢個經歷,記得嗰朝去到醫院真係好驚,好彩老公可以陪住我抽,而醫生都真係非常細心,照住超聲波睇住BB嘅位置,如果唔係成支針拮入去肚入面都真係幾驚呀! 跟住落嚟就仲做咗飲糖水測試,呢杯糖水我又覺得無坊間講到咁難飲,只係似一杯凍檸水走檸。然後就仲有每個月一至兩次嘅普通產檢,直到臨生前無幾耐,驚險事又嚟啦,一次去健康院檢查前,BB喺肚入面活動無之前咁活躍,所以返健康院檢查時,醫生又建議要入院觀察,結果入醫院又搞咗幾個鐘,開始聽BB心跳聲、抽血、超聲波等,而我內心非常之焦急,因為當時我記得夜晚係要食團年飯嘅,好彩醫生肯放我返屋企渡假,第二朝先再返去,又要再飲多杯糖水。好彩最後檢查所有嘢正常,飲完糖水就可以返屋企待產啦! 最終健康咁喺媽媽肚入面到38週,再開刀出世。所以話,各位媽媽能夠成功將BB健康咁生出嚟真係唔容易,而且產檢真係要做足,所有程序都可以幫到BB健康咁出世呀! 想知更多BearYuen同丸BB生活,可以支持埋https://www.facebook.com/BearYuenLife/。