副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

蒲媽媽 - 去街個袋帶D乜

某日閒碌facebook見到Ohmyglorgeous - 噢賣歌師奶之軼事post咗呢張圖的而且確, 生咗米豬之後, 我已經好耐冇揹過我那個親愛的飛甩雞毛.... T^T連條片都袋唔落啊呢位太太..

某日閒碌facebook見到 Ohmyglorgeous - 噢賣歌師奶之軼事 post咗呢張圖   的而且確, 生咗米豬之後, 我已經好耐冇揹過我那個親愛的飛甩雞毛.... T^T 連條片都袋唔落啊呢位太太....... T^T 取而代之, 係一個背囊~~ 識我ge朋友都知我個人其實比較細粒, 未生之前一路都好擔心前面揹仔後面揹袋, 我會唔會再矮多2吋, 所以每次執袋去街時都只帶 必需品!!! 務求個袋有咁輕得咁輕~!!!    一齊睇吓我日常去街ge囊中物啦XD    其實比起我D朋友, 我算係拎得比較小野, 我每次出行, 米豬ge必需品就係... 尿片*3+換片墊 玩具*3(間中會換D新野入去) 零食(星星餅一盒+餅仔一包) 飯碗連匙 食物剪 BB速食(購自日本) 水樽連水 安全帶 一包純水濕巾 一包消毒濕巾   而我自己就帶..... 銀包 散銀包 消毒吱手泡 do re mi呢3樣.........   我諗冇邊個媽媽夠膽唔帶片片去街XDD 題外話: 呃...... 我响金鐘試過比人問借片........ 問我借片ge係一對唔係好金鐘ge父母同大約3歲ge小男孩...... 個男人話佢個仔屙咗屎但冇片...... 我都好爽手同極速咁拎咗塊片比佢, 佢仲話計返錢比我, 不過幾蚊就算啦, 同埋你個仔咁大個, 我米豬條大碼片應該唔啱用囉... 我老公到而家都話我比人呃咗塊片, 因為比咗條片0個家人之後, 等緊車時有個食住煙冇小朋友ge男人堅衰搭訕態度咁走埋嚟問我有冇多塊片可以比佢.... -_-|| 細佬就話可能見我一個女人仔揹住個仔又背囊咁, 論論盡盡, 吼我拎片時搶我野都唔奇, 總之大家出街就小心係啦.......   好, 返返嚟我呢個執袋介紹~~   呢個杯杯係我近期大愛~~~ 本身係用緊munchin個飲管杯, 但係拎出街成日都漏到濕晒, 我就買咗呢隻richell杯比米豬用~~ 真係唔會點漏到水出來, 同埋最最最重要係.... 佢個手柄可以拆出來ga~~~ 即刻慳勁多位囉~~~~   跟住仲有呢條差幾乎必帶ge安全帶 (from淘寶), 因為其實好多so call有BB櫈ge餐廳, 佢地提供ge只係booster, 未必有安全帶會cool住小朋友, 對住呢D咁細ge BB, 其實有條野肋住佢褲浪係安全好多ge~ 爸爸話呢條叫相撲帶wo XDD 我其實真心覺得好用, 因為佢後面個封口位其實同hipseat一樣, 係黏貼+扣, 所以都幾穩陣吓~ 同埋佢風褸料, 有時食野飲野滴污糟咗濕巾一抹就搞掂~   最後..........  就係唔記得帶個頭都唔可以唔記得帶ge 奶咀 !!!!!!!!!! 奶咀一定要帶!  奶咀一定一定要帶!  奶咀唔可以唔帶!! (很重要所以說三次!)   放晒入收納袋再放入背囊, 其實都唔係好多野啫~~~   前一個後一袋~ 又出發去玩嚕~~~   米豬豬的page~ 每日都update~ 歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/