一日用30條紗巾係吾誇張架 在生之前已經聽好多朋友講一定要準備大量紗巾,所以一早準備左好多"打"，冇錯係已"打"為量架，無論日本、台灣、韓國既紗巾我都有，有d自己買、有d係朋友送，有d係媽媽會送既！ 之前都覺得一日用十幾條紗巾會吾會太誇張呀⋯⋯不過生左之後我發現一日用十幾條係吾誇張架，十幾條係算少添，因為無論飲奶、抺嘴、抺面、沖涼.......甚至瞓覺，總之掂到BB身體任何一部份你都係要用到紗巾既。 而飲奶係用得最多紗巾既，因為係初生BB,胃同食道既功能都未發展成熟，會吐奶、嘔奶，一開始我呢個新手媽媽乜都吾識，只用一條紗巾圍住BB條頸，每次遇到吐奶.....D衫都濕左，搞到BB一日換幾件衫，一日換幾次衫，就算我吾煩都搞到BB"忟"啦…經過左一段時間我每次飲奶最少要準備3條紗巾： 第一條圍住BB條頸 第二條蓋住BB個身 第三條用黎抺嘴 BB一日飲7、8餐奶，呢度已經用左廿幾條紗巾了！ 所以話紗巾真係每日既必須品，而無論日本、台灣、韓國既紗巾都標榜住天然、透氣、純棉、柔軟、不含熒光添加劑....呢d係重要，不過我之後發現紗巾既size同樣非常重要，普遍既紗巾size 大約都係30cm X 30cm，根本係太細條啦，因為d BB成日郁黎郁去，d紗巾甘細條都遮吾住全部範圍......之前係759見到韓國紗巾$45有20條而且66折，平均1條$1.5,見d圖案幾靚就買左一包試下，估吾到太太太好用啦⋯⋯個size比平常既紗巾大好多，真係一條好好用既紗巾....又好用又靚，所以我再去買左兩包，甘好既野一定要分享比大家。   (圖案靚都有小小重要，因為你會發現大部份同BB影既相紗巾都會出現.....）