以我所知大部分寶寶都有睡眠障礙無法自己入睡。果然我家孖吉出生後除左初生時食飽就訓，過左幾個月後都係唔能夠自己訓嘅，每次睇到孖吉揉眼又不斷打喊露，左look右look都係訓唔到，攪到又喊晒口，到最後都要出動到爸爸抱著哄睡先得。 但是，咁樣大人第二日返工都冇晒精神，身體質素越來越差啊！ 幾個月前去聽左一個關於睡眠訓練既講座，大致如下： １）寶寶越早訓練越好，大概３個月左右開始，因為依個時候既BB都可能戒左夜奶，可以一覺訓天光； ２）最好讓寶寶有獨立房間，或在床邊安裝ＣＣＴＶ方便監測； ３）Ferber Method逐漸延長間隔時間入房檢查孩子既狀況，不管入房之後孩子的反應如何，確定孩子安全之後，就離開房間，下一次間隔時間到，再次入房檢查。 例子：孩子放ＢＢ床後離開(依個時候佢一定喊緊), 5分鐘後入去安撫佢, 2分鐘安撫時間後再離開；隔8分鐘再入去, 2分鐘安撫時間後再離開；如是者將間隔延長，上限30分鐘　（剛開始訓練時孩子一定會反抗，比如佢越喊越耐，喊到嘔等用來吸引家長注意嘅手段都可能會出現。所以家長要有心理準備。）   我就試過用以上既Ferber Method黎訓練４個月既孖吉訓覺，最初佢同預期一樣係咁喊，安撫完都係喊。 幾日後明顯好左，喊完第一輪就可以自行入睡。 但係我覺得當孖吉越來越大時就未必適用，因為佢訓訓下醒左可以坐係度企係度，而我屋企唔大冇獨立房俾佢，自然佢張ＢＢ床係我隔離，佢就企係度一直叫或者一直喊，所以我地都係冇覺好訓。 最後我地決定還原基本步，每日都幫孖吉養成良好既睡眠習慣:- １）儘量係晚上9-10點前訓 ２）訓前會俾佢聽下歌 ３）同佢沖個靚涼 ４）關燈同將音量收細 ５）飲一枝飽飽既奶 ６）欖佢最愛既軟枕 再拍幾下佢既PatPat, 佢就好快入睡啦，咁當然孖吉有時訓訓下會醒左，咁我地唯有再去安撫佢先可以訓～～ 其實冇一個最合適既睡眠方法適合所有小孩，畢竟每個小孩個性狀況不同，媽媽先係真正了解邊種方式最岩自己孩子既人～各位媽媽加油呀～     Email: qqyanyan@gmail.com IG Follow: qq_chinchilla 專頁: 孖吉的成長日誌 MamiBuy Esdlife