吾知各位媽媽有無呢個問題～ 小豬媽基於本身腰椎有問題，已經有小腿不適既情況T_T 依家只係岩岩過懷孕期5個月，小腿就更加不適。嚴重起上黎，係會瞓得吾好，對腳成日都好辛苦，全日keep著係拉緊既狀態，就好似岩岩跑完長跑甘～ 每次，對腳一發作，豬媽當然係第一時間拉筋，一拉筋，眼水都想流出黎，真系好痛。 如果豬爸係度，就當然係叫豬爸幫手按下。但係成效吾大。。。放鬆左一陣，對腳又會緊返。。。真係好灰心～ 醫生又叫我吾好用藥用既止痛貼，按摩膏。因為入面有種成分係會影響到個BB。 經過豬媽上網不斷搵資訊，睇下有咩解決既方法。發現真係有好多媽媽有吾同既推薦。包括食醫生處方既鈣片，吾同FOR孕婦用既按摩膏～ 對於鈣片，各位媽媽真係要小心食用。因為豬媽本身有食緊一種綜合既補充品（遲D先分享），又有飲媽媽奶，試過加埋鈣片，就會over左個需要！結果就係。。。豬媽便秘左一段時間T_T 所以，豬媽發現原來有孕婦可用既腿部舒緩膏，真係發曬癲甘去搵！！！ ----------------------------------------------------------------------------- 以下純粹個人分享，每個人都有機會吾同XP Origins Leg Lifts (Origins 腿部舒爽膏) 專門店既價錢係 HK$310 150ML（真係幾貴下....） 不過，用果時真係舒服左好多～！特別係有開冷氣既時候，會FEEL到涼涼地～ 佢既主要成分係薄荷，仲有其他成分（基於全英文，豬媽睇吾明。所以大家自己上官網睇啦）。個質地係乳白色膏狀，幾易吸收，吾會覺得黏立立。配合返個按摩，加上冰冰涼涼既感覺，即時好返少少。試左一個星期左右，豬爸表示 終於吾洗成日煩著佢按小腿～每晚幫豬媽按一次就OK。 其實，應該早晚各按一次，效果會好D。但係，豬媽覺得有D貴，所以吾太捨得。 當然，有時候豬媽行得太耐，對腿都會吾舒服。但係，最少可以減輕到個不適～ -------------------------------------------------------------------------------- 各位媽媽又會用咩方法幫助自己呢？ 我其實都上網搵到其他類似既產品，但係，我係香港搵吾到T_T 所以迫住用尼個。 以下係我搵到既類似產品，你地可以參考下，都可以分享下比豬媽知，香港邊度有得買，同好吾好用～ 1.Origins 腿部舒爽膏 2.LNC紅葡萄葉足保濕噴霧 3.MUSTELA 孕期腿霜就是淡綠色的凝膠 4.Palmer’s美腿按摩紓緩乳液 5.EcoG Organic Skincare Centella for leg Centella 有機雷公根美腿活能水 6.EcoG Organic Skincare Herbfarmacy Muscle balm Herbfarmacy繡線菊紓緩軟膏 除左尼D，應該仲有好多產品。大家可以互相分享上^_^