副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【bb外出清單】0-3個月出街都可以好輕鬆+外出Tips!

係我坐完月既時候,都開始帶bb出街lu。雖然老一輩既人都認為初生bb最好留係屋企,但我就好想早少少帶佢接觸下呢個世界,當然唔係帶佢去d污煙漳氣既地方,而係去下公園、睇下花花草草,呼吸一下新鮮既空氣。有

係我坐完月既時候,都開始帶bb出街lu。雖然老一輩既人都認為初生bb最好留係屋企,但我就好想早少少帶佢接觸下呢個世界,當然唔係帶佢去d污煙漳氣既地方,而係去下公園、睇下花花草草,呼吸一下新鮮既空氣。有時又會帶埋佢去下街,陪下媽咪Shopping。加上我就快放完產假,真係好想把握時間同佢相處,製造多d回憶! 其實同初生bb出街都算好輕鬆!睇下要準備d咩啦! 1)bb用既交通工具:bb車/初生背帶/手提籃/手抱 係1-2個月而又只係出去一陣,我多數都係用背帶,因為始終好細個,怕係街上面有咩野會嚇親bb,都可以即刻攬住佢!如果出太耐,又會係去大商場,我就會選擇推bb車。 2)清潔類:尿片X5、bb濕紙巾X1、尿墊、消毒濕紙巾、紗巾X3、垃圾膠袋、成人酒精揉手液、替換衫仔 消毒濕紙巾就唔係比bb用既,而係去育嬰室個陣用黎抺下個墊再譜自己個尿墊用既,因為bb會郁黎郁去,都唔想佢郁個陣會掂到。而垃圾膠袋係比無育嬰室個陣,換完片放落垃圾膠袋先dump既。 3)食用類:餵奶巾/奶粉、奶樽、暖水 因為我係餵人奶,一般只係需要帶條餵奶巾出門口就ok。(母乳媽媽出門口前可以餵一餵bb同泵定奶先出啊!) 外出Tips: 當同bb出去,最好揀d係大商場附近既地方,因為依加好多大商場都有育嬰室,咁就方便換片、餵奶等。有次去新都會行街,發現佢地個育嬰室好舒服,如果無,行行下街都唔知邊到有地方可以乾乾淨淨咁換片。 如果約埋朋友出,要同朋友講聲有機會會遲到,因為出門口個陣,總會有好多突發事情令你遲到,例如Poopoo、要食奶等等,永遠都預計唔到⋯⋯ 同bb出去並無想象中咁麻煩,一個袋/書包其實都搞掂架喇!加上佢地出到街就好好訓,扭計都會少d架! 留意我Facebook同IG會更快知道我既Update架! Facebook:https://www.facebook.com/90sMummy/ Instagram: https://www.instagram.com/minarainlo/