2018年4月14日...... 沙律B生日快樂！！！ 忙忙碌碌又一年，混亂中就渡過咗一歲生日！  沙律B 第一個生日可謂多災多難。  一朝起身，瞓左大床，一個唔留神，碌左落床，額頭損咗！  照顧小朋友真係要打醒十二分精神！  呢頭未喊完，果頭沙律媽媽已經執定野執健康院打一歲針！ 仲要連打3枝，真係見到都覺得痛。  打完的確扭計左，當時仲要發燒，燒咗成晚！ 大人都無覺好瞓，做人父母甚艱難！！  雖然生日當日受咗好多皮肉之苦，但話曬都第一次慶祝生日。 沙律媽媽一定會俾個蛋糕你食下！  早排見到新聞，有媽媽投訴某蛋糕店蛋糕色素重，我更加唔會俾沙律食外來野！  所以沙律媽媽決自家製一個生日蛋糕俾沙律B！  **其實沙律媽媽以前好鐘意整蛋糕，以下就係過往作品  宜家已經整唔番嚕，加上都無時間整  至少要等到沙律B兩歲左右，先可以有時間重拾  沙律B個蛋糕，非常簡單，一個鐘之內可以整好！  首先，未整之前，要買定工具，工具視乎整邊款蛋糕！  4寸活動蛋糕模，小型抹刀，Baking Paper  一般整蛋糕嘅鋪頭都可以買齊  食材方面，仲簡單！  Pigeon 蒸蛋糕，士多啤梨，Little Freddie Greek Yoghurt  Pigeon 蒸多糕，沙律媽媽自己代購的 [Link]，一包4味，我用左2包，每包抽2味，因為想整2層！ Little Freddie Yoghurt 可以喺Watson’s Baby 買！  至於士多啤梨，可謂當做，買番日本/韓國/本地都好甜！  以下就係製造步驟： 1 - 將蛋糕模，抹刀洗乾淨，用滾水淥  2 - 將 baking paper 剪好，圍喺蛋糕模入邊  3 - 將2包相同嘅Pigeon蛋糕粉倒入黃色模，加1 spoon 配方奶粉，再加30ml室溫水拌勻，再倒入活動蛋糕模  4 - 將步驟3放入煲，大火隔水蒸8分鐘左右，至完全熟透  5 - 蒸熟後，將成品放上碟，待涼 [第一層]  6 - 再將第二種味嘅 Pigeon 蒸蛋糕倒全黃色模，加1 spoon 配方奶粉，再加30ml室溫水拌勻，再倒入已鋪好banking paper 嘅活動蛋糕模 [同步驟3一樣][第二層]  7 - 將步驟6放入煲，大火隔水蒸8分鐘左右，至完全熟透 [同步驟4一樣]  8 - 蒸熟後，將成品放上碟，待涼  9 - 將2-3粒士多啤梨切粒粒，放上已蒸好嘅蛋糕 [第一層]，再鋪上第二層蒸蛋糕  10 - 將 Little Freddie Yoghurt 喞上蛋糕面，再用抹刀抹平，再加士多啤梨作decoration，搞掂  沙律B見到果生日蛋糕好開心，亦都食咗唔少！  今次係沙律媽媽穿一次整baby cake，將來會整更多！ 到時再同大家分享。  除左整蛋糕俾沙律B，我地都開左個新玩具俾佢玩，當作生日 surprise ! Happy Birthday Charlotte !   嬰兒用品系列︰ 如何選購嬰兒用品の消耗品篇！ 如何選購嬰兒用品の奶樽奶咀與配件篇！ 好物&癈物分享︰ 精明買物媽媽系列の嬰兒好物大分享 I 旅行系列︰ 小腳板走天涯の10m台灣旅行應該帶啲咩！ 其他忙碌日常︰ 加固系列の嬰兒可以食咩零食？！