副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

一個比賽讓孩子建立正確價值觀

早前一位好朋友發了一個由kkday親子遊樂團舉辦既比賽章程俾我,一開始我不以為然。直至另一位朋友把同樣資料再一次發俾我,比賽方式係要製作一段以「帶住豆釘遊香港」爲主題既短片。我細心研究,發現獎品頗爲吸

早前一位好朋友發了一個由kkday親子遊樂團舉辦既比賽章程俾我,一開始我不以為然。直至另一位朋友把同樣資料再一次發俾我,比賽方式係要製作一段以「帶住豆釘遊香港」爲主題既短片。我細心研究,發現獎品頗爲吸引,我對呢個亦好感興趣,所以我決定參加!一開始我沒想太多,參賽既目的只爲了奬品。我同黃生和兩個孩子講,我參加了這個比賽,奬品是什麼什麼,你地要配合影多點靚相靚片。但係,製作過程中,我卻有意外收穫!   我感受到家庭既溫暖和團結!平時Aidan同Angie兩個小魔怪真係叫佢地企定定影張相都難,今次可能佢地見到媽媽 — 即係我既決心掛,今次竟然非常配合。係剪片過程中,我既選擇困難症不斷發作,哥哥Aidan人仔細細,又俾左好多意見我。拿!意見有無用當然唔係重點啦!哈哈!重點係我問佢:「點解你咁好幫我既?」佢話:「因爲我錫你囉!」聽到仔仔咁講,媽媽真係幾辛苦都覺得抵返晒!同時,出乎意料既係,今次連平時唔太理會我工作既黃生都非常幫忙,剪片時俾左好多有用既建議我。佢話因為覺得成個製作係以家庭為重心,而且見到我好認真,所以好感動喔。所以,我康妮媽都覺得非常感動!當然唔少得妹妹Angie啦,佢除左一改常態配合影相,見到自己係添加左效果既短片內出現,真係超級開心興奮!估唔到一個小小既製作可以爲我地一家帶來了凝聚力和歡笑聲!重要既係,我相信孩子們都一定從中感受到家庭既溫暖和團結!我覺得呢樣係對小朋友既心理成長係有正面影響。   此外,我還成為了孩子的好榜樣!記得我問哥哥:「你覺得媽咪會唔會贏呢?」佢話:「會!」我問:「點解呢?」佢話:「因爲你叻!」我一聽到心里打個突,我從來應該都無「叻」呢個形象架喔!但我好開心我係自己小朋友心目中有一個正面既形象。雖個兩個小朋友暫時不是真正知道什麼是比賽,什麼是奬品,什麼是勝利。但我相信過程中,佢地係見到媽媽下定目標,爲目標而努力,並感受到我既堅持同毅力! 睇下佢地幾配合影相!   所以,各位爸爸媽媽有時不妨都定下一個目標,讓一家人一起參與和達成。過程可能令你出乎意料,而小朋友也一定獲益良多。就以我今次爲例,一個小小既比賽,我本來只是被獎品所吸引,結果發現贏輸不是最重要,因爲過程中,我們已經感受到家庭既溫暖,孩子更因為看見媽媽既堅持,而被潛移默化,正確價值觀慢慢建立起來!   係度同大家分享下我地既參賽短片!如果可以的話,希望大家去呢個連結 https://kkday.childw.com/kol?cid=5103&ud1=conniemamaaa 投我康妮媽一票!(連結中尾4既CL Wong就係我啦!) 多謝大家支持!!!   Follow Me⬇️ IG : @conniemamaaa FB : @conniemamaaa