尿布疹相信好多媽媽都遇過，見到bb個patpat紅晒真係好心痛，嚴重起上黎真係幫佢抺都會痛，用一d有藥用成分又唔想比bb用，特別係初生bb，感覺用返天然d既野對佢地會好d。爽身粉又有新聞話過有某物質長期用會對bb有害。所以都係天然既方法比較好！ 有bb個陣，拎左好多唔同牌子既紙尿片sample，係佢轉s碼之前，我一次過開晒唔同牌子既尿片用埋佢，唔想浪費，唔知係咪因為成日轉牌子，令到佢patpat紅晒，個陣真係好心痛！！之後我用過好多唔同方法去舒緩佢尿布疹既問題，好多時一兩日就會好返晒！有尿布疹既bb，媽媽們都可以試下！ 1. 椰子油 椰子油係有抗菌防敏功效，可以對抗引致敏感同濕疹既害菌。平時換完片，抺乾晒可以輕輕搽d椰子油係佢地patpat，預防有尿布疹。如果已經紅左，都一樣可以搽，加快佢好返既時間。我個陣搽一日，第二日多數都會好返架喇！因為bb新陳化謝都好快！（搽之前最好同bb做個敏感測試先，搽小小係手掌落d個個位，等15分鐘睇下會唔會紅/有敏感情況） 2. 學古人用尿布（環保尿片） 其實紙尿片中採用左漂白劑同螢光劑，以達致潔白效果，好易令bb咁脆弱既肌膚引起敏感，加上紙尿片相對無咁透氣，有時訓太耐無幫bb換片，會up住佢地既patpat添架！（當然我無咁變態要大家日日都著環保尿片，因為唔係成日都得閒洗，我自己都有用紙尿片既時候） 我自己多數會揀好天既日子用，一日會有3-5條片會用環保尿片，因為佢地既片芯係用「醫生布」（醫生手術袍用）製作成尿布，除左解決防漏功能之外，仲可以確保有透氣功能，減低bb紅patpat既機會。 當你以為用環保尿片會洗死你個陣，你就錯喇！真係比想像中易清潔，我平時會花灑直接沖走Poopoo，再用泡打粉用洗衣液浸半個鐘再洗。D漬勁快就清到。 加上為左bb有靚patpat真係可以去到好盡架！平時用紙尿片，一遲左換就好影紅patpat，但用環保尿片，可能因為始終無化學成份，就算遲左換，都唔會有up到變紅patpat。依加既環保尿片唔係古人用既咁難洗架喇！連有潔癖既老公都好驚訝覺得竟然咁易洗！ PS 建議大家好天氣用/清潔，因為曬一個下午就會乾晒架喇！ 我用緊既係Green Beginings牌子既環保尿片體驗裝，大家可以參考下！基本上取代紙尿片用一日都完全無問題！（因為我有用開佢地既產品，如果媽媽們有興趣買，我有個85折Discount Code可以Share，歡迎inbox問我） 3. 換片後用清水洗patpat 以前唔識，淨係會用濕紙巾抺，其實咁樣係唔夠乾淨架！一定要用盆水，用紗巾/清潔棉幫佢地洗patpat，然後一定要抺乾！唔好比水份up住個patpat。係換左條乾淨既片片，可以唔即刻包返，比佢地吹一吹，通一通風咁。 中意我既分享，可以留意我Facebook同IG會，比個like我，仲會更快知道我既Update架！ Facebook：https://www.facebook.com/90sMummy/ Instagram: https://www.instagram.com/minarainlo/