早前寫過一篇好物分享，今次輪到癈物啦！  其實沙律媽媽真係買左好多野，好彩我都覺得好好用！  以下就係我覺得唔好用嘅野！    1。 吸鼻器  沙律媽媽用 Pigeon 牌子，Aeon 買的。 因為初生B好多鼻屎，沙律B都唔例外！  再加上當時是新手媽媽，咩都唔識，就成日走去Aeon / 一田 / 千色行。  喺無得揀之下，買左 Pigeon 嚟試。基本上買番去，清潔完就未用過！  首先佢個膠咀都已經好粗，我唔敢放入沙律B個鼻，太牙煙啦。  所以，沙律媽媽從此就唔用吸鼻工具幫沙律B清潔。  普通用一枝BB棉花棒就可以清潔得乾乾淨淨！  但沙律BB大大下唔俾得地用棉花，得地改用紙巾捲到細細枝，幫佢清潔，非常work！  如果鼻屎太入，太硬，我地會用鹽水 [Baby Flo] 噴鼻，軟化鼻屎！  超好用，沙律B個兒科醫生開的，但普遍藥房都有。    2。沖涼輔助板  沙律B個沖涼盤牌子係 Rotho，比較少人認識！  當時喺Jakewell買床仔送的，原價要HK$599，太貴了！但好好用！  呢款浴盤都有輔助板，但從來都未用過！  放左塊板入去，完全無曬位，本身個浴盤已經唔大， 放埋塊板，連初生嬰都放唔落。唔知整嚟做乜！    3。防側睡枕  沙律媽媽係一個咩都買嘅人，點知真係買定左。  呢個防側睡枕用過一兩次就唔敢再用。  因為沙律B 6個月左右開始轉身，已經浪左係個枕上面，超危險！  而且亦都有好多關於防側睡枕唔安全嘅新聞。 所以沙律B基本上都無用過防側睡枕！  Links: 屢致嬰窒息 FDA警告勿用防側睡枕 Link: FDA警告】連殺12嬰 英停售BB防側睡枕 Link: 請扔掉嬰兒防側睡枕 4。暖奶器  其實我陀緊沙律B果陣，已經無將呢個item列入buy list，因為一早都覺得佢癈！  原來用落，都真係好癈 其實沙律B個暖奶器係家人俾的  沙律B當時早產5個幾星期，得果4.9lbs [未收水]，飲奶餐餐飲1-1.5oz，一日8餐。 仲要餐餐半個至一個鐘 [沙律媽媽也是捱過來的]！ 當時我唔係次次一飲奶就開定暖奶器 ，通常中途休息覺再開。 變相要等啲水 reheat 左，先暖到枝奶，即是要等好耐！ 後來，我飲之前就 reheat 定，點知 reheat 完一陣，啲水暖左，沙律B仲未中途休息，已停左，啲水又凍返！  再後來，我放棄左佢，直接用暖水，一分鐘器使就搞掂！  真心果句，當BB大到果上下，基本上都會一口氣飲曬枝奶，仲使乜暖番佢呢  5。淘寶B車涼墊  沙律B滿月就開始坐B車，當時5月中，熱到High high！ 當時又好少去街，因為湊住沙律B好困身，所以就淘左2張試下！ 一張俾我家姐個囡，一張俾沙律B，我家姐個女用左2次左就自已自動波話唔要，話好熱 。 當時我都唔覺熱，直到去到8月，沙律B都4個月大，我推左佢去街，熱到火爐咁。 番到屋企check下張蓆，濕曬，啲汗仲喺張蓆面，完全唔吸。 我發現左之後，即拆左出嚟，即dump！  仲有，張墊成張都一樣大，無裁 seat belt 啲 cut 位。 所以當用 seat belt 綁住個B果陣，直頭兩邊都俾張蓆包住個身！ 張蓆又唔透氣，用完仲衰過未用。 好彩今年自已買左B車涼墊，舒服曬！     嬰兒用品系列︰ 如何選購嬰兒用品の消耗品篇！ 如何選購嬰兒用品の奶樽奶咀與配件篇！ 好物&癈物分享︰ 精明買物媽媽系列の平靚正收納妙法！ 精明買物媽媽系列の嬰兒好物大分享 I 旅行系列︰ 小腳板走天涯の10m台灣旅行應該帶啲咩！ 自家製系列︰ 自家製系列の打一歲針前應該煲咩儲涼湯水？！ 自家製系列の嬰兒都可以食嘅生日蛋糕—沙律B生日快樂！ 其他忙碌日常︰ 加固系列の嬰兒可以食咩零食？！