副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

婆婆,感恩有您!

母親節快到啦,成為母親四年既我對呢個節日仲係好有新鮮感。回憶起剛生完哥哥Aidan時既心情真係十分複雜。尤其係坐月期間,簡直百般滋味在心頭,有興奮,有喜悅,有擔憂,有感恩,有感動......但係當中最

母親節快到啦,成為母親四年既我對呢個節日仲係好有新鮮感。回憶起剛生完哥哥Aidan時既心情真係十分複雜。尤其係坐月期間,簡直百般滋味在心頭,有興奮,有喜悅,有擔憂,有感恩,有感動......但係當中最強烈嘅感覺係「有媽媽真好」! Source: http://d28hgpri8am2if.cloudfront.net/book_images/onix/cvr9781507201138/a-mothers-love-9781507201138_lg.jpg 記得係我懷第一胎嘅中後期開始,我嘅媽媽,即係Aidan同Angie嘅婆婆已經經常黎我屋企煮好野燉靚湯比我食,而且好細心咁照顧我。直至到生產之後,佢係最忙最緊張嗰個。佢不單要照顧我,為左讓我有更多時間休息,又幫我照顧BB,好多時餵奶換片照顧BB嘅職責佢都攬晒上身。好幸運地我當時請既陪月姨姨都非常盡責,但試問又點及得上有自己既媽媽係身邊呢?婆婆無條件既付出令我深深感受到有媽媽嘅愛係幾咁幸福! 當然,我生完妹妹之後亦唔例外。婆婆除咗照顧哥哥,仲照顧妹妹同埋坐月中既我。相信呢個世界上只有媽媽既愛先至有咁偉大。多謝我既媽媽,孩子既婆婆! 直至到而家,Aidan 同Angie 已經分別四歲和兩歲,婆婆仍然一直照顧我地。因為我係在職媽媽,日間時間都係外面工作,多得婆婆盡心盡力幫我地照顧孩子,有時比我地仲緊張。這幾年真係辛苦您啦,勞累令您既樣子看上去也老了,但您毫無怨言,一心只想我們健康快樂,我地感恩有您。 多謝婆婆您犧牲自己原有嘅工作係屋企照顧我地,讓我同黃生可以每日安心去工作,而且返到屋企又有豐富嘅晚餐等着我地。多謝婆婆係我同黃生去旅行嘅時候,您係屋企幫我地照顧小朋友,令我哋可以安心出遊,享受二人世界。亦都多謝婆婆您係小朋友生病時候,比邊個都仲要緊張,細心咁樣去照顧佢哋。而且仲驚我第日返工冇精神,半夜經常起身去照顧佢哋,等我有多啲時間休息。本來好貪靚好怕晒黑既婆婆,為左孫仔孫女既快樂和健康,堅持日日帶佢地去公園玩同晒太陽。   雖然我地有時對如何教養小朋友上有爭議,但爭議過後第二日,我地又會自然地有傾有講,您又仍然繼續用心照顧我地。這就是家人,絕無隔夜仇。 婆婆,我們愛您!多謝您為我地無條件嘅付出。感謝您從小照顧同教育我,直至我長大,繼續輔助我照顧我既家庭。我將來都會成為一個像您一樣既好媽媽!喺度預祝各位媽媽母親節快樂!   Follow Me IG : @conniemamaaa FB : @conniemamaaa