話咁快,沙律B已經一歲! 上個月一歲,沙律爸媽無同沙律大肆慶祝 只你簡簡單單整左個嬰兒都食得嘅蛋糕俾沙律B就算數 沙律媽媽的忙碌日常︰「媽媽日誌」沙律B生日快樂の自家製嬰兒都可以食嘅生日蛋糕!! 同日,仲帶左沙律B去打一歲針! 未打之前,已經聽過好蛋媽媽話一歲針好恐怖 因為一歲針唔係一針,而係連打3針!! 無錯,係一野連打3針,左脾一針,右脾兩針 1。德國疫苗 2。水痘疫苗 3。肺炎鏈球菌疫苗第四劑 見到都心傷,又心痛! 除左皮肉之苦,仲要面臨發燒 [9成都會發] ! 有時仲會出疹,總之一大堆野有機會發生。 所以打針前一個月,沙律媽媽已經做定 research 煲定湯水,儲定涼,等沙律B唔好燒咁耐! 其實沙律B滿左10個月左右,沙律媽媽已經開始煲湯水俾沙律B飲。 例如:粟米紅蘿蔔,蘋果雪梨水等等! 都係比較mild嘅湯水,一星期一次! 直到打針前一個月,開始加涼料! 粟米紅蘿蔔馬碲,乾貨都會加無花果,蜜棗,南北杏之類。 一星期會煲2次左右,頭2星期飲完無特別反應,就再加竹蔗! 因為竹蔗再涼啲! 直到打針前一星期,一星期飲3次! 打針當日都有飲! 做法非常簡單,將所有材料洗乾淨,再煲一個鐘左右就搞掂。 注意,如果煲太多,飲唔曬,唔建議俾BB飲隔夜野!! 以往經驗,沙律B打完針好少會發燒,極其量都係比較高溫! 但今次都有啲唔同,真係發燒! 由早上打完,直到夜晚9點都無事,如常9點左右右睡覺! 但沙律媽媽都非常唔放心,10零分鐘又摸下佢有無燒。 由晚上9點幾開始,沙律B進入睡眠mode,體溫就一路升高!! 晚上9點幾仲係36度幾,去到10幾11點已經38.8度。 當沙律B體溫去到37.5左右,我俾左佢用小林退熱貼! 無奈沙律B真係好唔鐘意有野痴住額頭,睡住都可以走去搣! 但當時情況,貼熱貼都無用,都係燒到38.8度! 於是沙律媽媽即開左退燒俾佢食,一路食一路喊,見到都慘! 食完退燒,開左枝奶俾佢飲,打算再暗佢瞓! 點知奶又唔飲,又完全醒曬,唔瞓,要人同佢玩! 直到半夜2點幾3點先瞓著! 本身叫左沙律爸爸4點半再叫我起身幫沙律B度溫度, 但沙律媽媽已經叫唔醒! 因為已經累到一個點! 好彩沙律B瞓醒已經完全退曬燒,仲好生猛! 但我地都唔敢鬆懈,因為一歲針勁在12日之內都會有機會發燒,出疹等。 好彩,沙律燒左一次就無再燒,可能之前飲嘅湯水真係有幫助! 去到第8日左右,身上出現左好多一點點紅點,應該係疹,但2-3日又完全無曬! 沙律B都算叻女! 但打完針果段時間,真係完全變成另一個人! 以下就係大不同! 1。晚晚半夜4點瞓,玩到6點再瞓 2。唔食野,餐餐都食成粒鐘 [平時20分鐘] 3。周身唔聚財,成日都要人抱,得閒又喊下,扭下計,苦瓜乾咁 4。好洩,變左搗蛋王,同佢去食好西,點知臨走出將人地塊檯布扯埋落嚟 [下圖銀白色果張] 好彩,以上幾點隨住時間,又慢慢回覆正常! 嬰兒用品系列︰ 如何選購嬰兒用品の消耗品篇! 如何選購嬰兒用品の奶樽奶咀與配件篇! 好物&癈物分享︰ 精明買物媽媽系列の平靚正收納妙法! 精明買物媽媽系列の嬰兒好物大分享 I 旅行系列︰ 小腳板走天涯の10m台灣旅行應該帶啲咩! 自家製系列︰ 自家製系列の嬰兒都可以食嘅生日蛋糕—沙律B生日快樂! 其他忙碌日常︰ 加固系列の嬰兒可以食咩零食?!