終於嚟到壓軸......... 泵住奶去旅行!!!!  呢個咁偉大ge媽媽當然唔係我啦, 係表妹小姐啊~!!! 各位泵媽都知道, 淨係返工泵奶已經要拎勁多野, 何況去旅行~!! 實際情況係點呢?? 一齊嚟睇吓啦 去旅行要儲奶, 首先, 你要一間肯同你雪奶ge酒店, 由我地出機票到出發, 其實只係得一個月, 仲要櫻花季, 大家想像到d房有幾爆未? 出完機票即日我地已經搵名古屋駅周邊啱價位ge酒店, 大約filter咗6間(得呢幾間仲有房......) book房前逐間send email去問以下4條問題: 1. 可唔可以幫我地雪奶? 2. 有冇under 18度ge冷藏庫可以雪奶? 3. 有冇蒸奶樽機可以借? 4. 如果冇蒸奶樽機, 有冇微波爐可以借我地每晚消毒奶泵parts? 最後, 只有三井花園酒店 Mitsui Garden Hotel Nagoya Premier 可以答應晒我地3以外ge要求~!! <3 (冇考慮air bnb因為老公們覺得2個女人仔出門住酒店安全d) 解決咗酒店, 就到check list.........  平時返工泵奶你地帶咩野? 泵, 喇叭, 樽, 奶袋, 冰種, 冰袋, 密實袋ss, 消毒濕紙巾, 純水濕紙巾 但去旅行, 仲要去4日, 以上ge物品係要倍增!! 仲未計所有消毒同洗part用品, 同埋運返嚟ge保溫裝置!! 點解表妹小姐知咁多? 因為佢好想去旅行又好愛豆沙沙, 所以好努力咁做research囉~ 你地睇吓個xls幾長.... 睇唔清楚? copy出來比你地睇~   奶媽行裝 奶泵-medela 奶泵叉電 卵麟脂 blacksmores calcium 奶泵parts-medela x 2 pairs 奶袋 - 要剪定口 尿便冰種 x11 冰袋 x 7 (3巨3小1小跟身出街) 密實盒x2 for parts 較剪 大密實盒 for cleaning 純水濕紙巾 MICRO WEAVE 消毒袋 奶樽刷 奶樽清潔液 大密實袋 x N 細密實袋 x N for 袋奶 medela adaptor for milk bag x 4 大毛巾 消毒濕紙巾 保鮮袋for dirty parts 大膠袋 中食物盒for 奶奶 x2 透明袋 索繩 medela濕紙巾for冇得消毒時抹喇叭 呢個係用來裝parts的盒因為有一部份會放入喼, 用盒裝住唔怕壓爆 裝奶的盒 另外表妹小姐係帶多咗2個裝奶咁大ge盒, 用來清潔/叮完消毒袋用, 因為叮完消毒袋太熱, 唔好就咁拎住呀~~~   要帶幾多野去裝奶, depends on要泵幾多次奶so far係要每4小時一泵, 半夜訓咗就唔泵, 所以泵奶時間表大約係0800 1100 1500 1900 2300, 每日泵5次, 我地去4個whole day, 預計要運最小20包奶返來(唔知會唔會hapi得滯爆樽要分多袋ga ma~ XD) 由於我地平時返工同湊B生活已經太忙, 所以我地今次係選擇hea玩, 所以有幾次奶都可以返咗酒店先泵, 預返一日都要預响外面泵2次, 同返工差唔多, 所以外出行裝就簡單d, 真係平時返工咁 泵, 喇叭, 樽, 奶袋, 冰種, 冰袋, 密實袋, 消毒濕紙巾, 純水濕紙巾 就行得, 但你唔會將阿女餐飯d架生亂咁質ga ma, 所以其實都pack咗幾袋ga, 部泵機自己一個袋, 喇叭奶樽一個袋, 奶袋同密新實袋一個袋, 冰種自己都有個密實袋袋住, 仲要拎多個袋專袋d用過ge parts   表妹小姐用呢隻裝林嬸野, 好方便, 一zip就搞掂~ 另外呢隻就係表妹小姐特登搵ge密實袋, 因為可以打橫放到包奶(12蚊店有售)   由我地出發計, 7點上的士, 所以當日第一轉奶係响屋企泵咗先出去, 第二轉就响香港去日本0個轉機上面泵, 留意返: 冰種是不能hand carry的, 所以我地拎咗幾個密實袋上機, 要zip埋唔漏水0個隻, 上到機, 見空姐開始serve drinks時, 就問佢地拎2-3杯冰分別倒落2個密實袋度扮住冰種雪住d奶先, 夠鐘就開壇, 記得double check zip實佢呀~ 唔係漏水就奶野了~!!   3點日本時間我地落機, 就响機場泵第2轉奶, 我一早搵定晒d nursing room分佈, 最方便應該係响拎行李0個邊0個間, 因為可以一個等行李, 另一個就去開壇, 留意返, 日本nursing room好多都係趟門, 我地初初以為係推門仲傻仔咁等咗陣, 點知趟一趟先知傻仔咗~ 安頓咗表妹小姐去開壇之後, 我就拿拿臨推車仔去拎行李喇~ 去到酒店check in時我地再show返酒店答應幫我地雪奶ge email比front desk, 雖然佢地都打咗個突, 但都好快話OK冇問題, 我地上房之後立即將响飛機同機場泵0個2包奶, 連同11個尿片冰種分別放入2個盒度, 再包返個小冰袋比front desk 你可能會問: 人地點知係奶呀? 一陣以為係普通野雪返普通格咪死? 所以要準備張notes貼响面, 以免比人亂放 <- facebook母乳gp媽媽share的note, 出發前print定就冇死~ 但由於表妹小姐忙到嘔電, 佢係完全唔記得要print任何野, 所以我就手抄出來~ 很醜樣的字, 請見諒~ 放好晒冰種同奶入盒, 就放入銀色呢d冰皮月餅袋度, 用封箱膠紙封好, 再貼呢張note上去, 英日對照, 總有一行睇得明掛~ (我都知我d字好核突...... 所以加個^v^摶好感XD) 交豆沙沙d糧比front desk, 大家一睇張note就知咩事~~ 搞掂晒之後, 我地拎咗一次泵奶裝備, 就去咗行名鉄mall, 行行吓夠鐘就响nursing room開壇, 之後食飯再返酒店開多轉壇, 就完成咗day 1要泵奶ge時間 你以為就咁完? 梗係唔係啦~! 仲有每晚洗parts呀~! 洗完仲要消毒呀~!! 我地問過, 冇烚奶樽機可以借, 咁就諗, 平時lunch蒸飯個飯盒咪同蒸奶樽機同原理囉~ 拎埋過來用啦~ 放過晒d parts, 預蒸3次都搞得掂, 唔駛勞煩酒店d staff ma, 不過都帶咗微波爐消毒袋以防萬一 實驗証明係好彩有帶到微波爐消毒袋ge~!! 因為電壓同香港唔同, 個蒸飯盒機一世都唔水滾, 即晚比我地塞返入喼XD 第2日朝早又係開完0800壇, 落front desk拎返d奶盒出來, 放返d奶入去雪先出去, 由於去akachan, 所以都預咗帶1對 parts出去, 每次單泵咁1對就夠用2次, 慳返d位, 食完早餐去到akachan都差唔多夠鐘開壇, 點知我地搵極都唔見nursing room! \*0*/ 我又憑著破爛的日本+google大神, 拎住 授乳室 三個字去問reception, 得到ge答案係......維修中................. 囧" 結果, 發夢都估唔到地...... 要响akachan ge殘廁開壇.......... 表妹小姐都話, 冇諗過要响日本ge殘廁開壇...... 呢包就寫明係要來沖涼啦..... 媽媽最痛, 算這種T^T   作戰完akachan之後就返咗酒店, 1500 0個轉就响酒店開壇, 之後就去咗大須商店街, 由於冇咩行同冇地方開壇, 我地食個快pre dinner炸雞之後就返返酒店開壇 食住海膽開壇應該會爆樽~~ 之後出去食完磯丸水產返來又開多次壇, 我就幫表妹小姐拎d parts落去消毒同埋拎奶去雪~ 酒店好似keep行李咁, 有返張紙仔比返我地, 每次都要拎呢張紙仔落去拎奶盒, 佢地自己都會注明係 母乳 同埋要冷藏, 唔睇我地張note都唔怕~~   Day 3 朝早又係酒店開壇雪奶, 再出去長島outlet, 一早research過入面都有好充裕ge nursing room, 根據我地原本ge計劃, 係要開2次壇(1100 1500), 所以又係1對parts就夠喇~~ 呢度d nursing room超正呀真係~~ 介紹返先~有換片片位都算仲有熱水機!! 成80度ga d水~座奶沖奶都夠啦~~ 哺乳室就女性限定, 不過都好闊落呀~~ 由於過份爆買, 我地借多2次nursing room開壇XDD 去完outlet返到酒店又夠鐘再開壇(1900), 就搞掂埋先出去, 食埋飯返來再2300 0個轉, 又輪迴著呢個洗parts消毒ge人生......... @_@"  Day 4 0800 酒店開壇, 之後我地就拿拿臨去名古屋城, 預12點前返到來開壇, 之後拿拿臨lunch再去西松屋, 因為感覺上名古屋城呢d古蹟唔會有nursing room, 所以表妹小姐今朝可以輕裝出發, 當我地行呀行, 影呀影之後, 竟然响1定2階發現.......原來名古屋城係有nursing room ga!!!!响呢個位入面~!! 各位媽媽去參觀古蹟都唔怕冇地方餵奶/泵奶喇~~~ 但基於我地冇帶開壇架生, 所以唯有返酒店開完壇先出去啦~~ (一早知有nursing room ge話就可以行小一轉了!) 酒店搞掂再食lunch, 去埋西松屋玩咗幾個鐘, 又夠鐘開壇, 但係成楝building都冇nursing room sign.... 我地都打定輸數又殘廁, 點知原來响cashier隔離係有nursing room ga~ 係西松屋自己的, 所以水牌冇show law~ 今晚唔可以太夜返酒店, 所以去完西松屋之後我地就返去食飯, 之後就一路响酒店冇出過來, 直至check out 到朝早0620就拎奶pack奶, 總共20包奶，11包尿片冰種, 講講表妹小姐點pack返佢地返香港 首先就放晒d奶同冰種入2個奶盒, 冚埋蓋包返個銀色保溫袋為避免比人開喼check, 所有Notes都冇met到, 費事到時雞同鴨講, 日本識日文香港識英文, 自己睇   然後放入大保溫袋 再包多一層保溫袋, 即係咁 拉埋佢, 再放入喼 去機場時因為miss咗班車, 所以焗住响u sky開壇泵0800 0個轉  上到機再問空姐拎冰扮冰種, 泵埋1100 0個轉, 今次旅行所有泵奶活動終於完成~!!!   呢pack奶, 由香港時間朝早6:20分離開雪櫃, 到下晝應該差唔多15:30返到屋企unpack, 係冇咩點溶到, 我地成功運到4日冰奶返香港喇~~~   因為Day 4 0個3包奶雪唔夠時間, 仲有朝早响u sky同飛機0個2餐都只係做到雪奶, 記住返嚟餵咗先呀~~~ 跟住就食晒旅行d冰奶先, 始終離開過冰格成9個鐘, 早d食咗佢穩陣d~   表妹小姐旅行後感言:   最亞位其實係人奶，一共22包奶，11包尿片冰種，7 個雪袋，3 個大盒 仲有一大堆泵奶parts 用品連後備盒同雪袋 真係要俾啲掌聲自己 同多謝kame 無厭棄我同我個奶泵 最後帶咗17包冰奶，5包雪奶，有1包沖涼 係殘廁，飛機，機鐵泵奶真係第一次 帶著奶泵去旅行真係一個壯舉 唔會有下次，出去玩 同 玩完番嚟仲要洗完parts 先訓得真係好癲 下次出走要帶埋米米同豆沙同婷婷姨 我點會厭棄你同個奶泵, 我多謝你做到爆肝peak season泵住奶都陪我去旅行就真~! >3< 愛死你呀~~~ 到呢一刻打緊blog都覺得你好堅~!!! 為咗豆沙你係無所不能ga~!! 希望仲有下次啦~~~ 老公們見到我地0個張單應該嚴禁我地再單獨去玩ga na /_\ 湊埋仔可能有得諗吓ge~~~ 婷婷姨, 下次要一齊喇, 唔好住响buriburi醬入面喇~    名古屋之旅番外篇!! 壯媽媽 - 37kg是如何托回來 泵媽媽 - 如何運4日冰奶返香港   媽媽s放大假系列:  Holiday媽媽 - Day 1 - 與表妹小姐名古屋之旅 癲媽媽 - Day 2 Akachan瘋狂爆買+大須商店街 痴媽媽 - Day 3 迷失於長島outlet 癲媽媽 - Day 4 暴雨下爆買西松屋 + hea遊名古屋城 嚇媽媽 - Day 5 紅雨雨勢下走人   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/