大家諗吓喺學習理財嘅時候，例如複式效應、月供平均成本法、製造被動收入、產生正現金流等，都會發覺相逢恨晚，自己太遲先學，如果細個早啲學就好嘞。有呢種諗法一啲都唔奇，由細至大，學校老師冇教，家長喺屋企冇講，去到出嚟打工賺錢先喺耳濡目染嘅情況下道聽塗說，嘥咗唔少時間。需知道理財投資最大嘅朋友係時間值，即使投放嘅資金唔多，只要透過時間同埋複式效應，再加上挑選適合的投資物，假以時日財富就會慢慢咁累積。一啲好基本嘅投資概念，例如複利息咁，其實係初中嘅數學堂都有教過，但係課堂學嘅只不過係運算、次方等部份，反而冇好好將個概念應用喺個人理財同現實生活中，白白浪費左寶貴嘅學習理財機會。學習理財永遠只有聽到人講後悔學得太遲，而唔會聽到人嫌學得太早，咁你個小朋友又開始咗學理財未呢？ 更多其他文章：https://www.facebook.com/FinKAB/