我不嬲都話自己係佛系媽媽， 無特別去教小女丁丁要學生字或英文， 個人認為佢返學讀書老師會教架啦， 我留多D時間同佢玩好過XD   自從佢讀左幼稚園N班後， 幼稚園都有派左好多認字卡比我地， 建議我地日常都可以同小朋友多講多看， 我一路都放埋左一邊， 記得時才拎出來同佢一齊讀下， 但因為唔常用，我覺得好似有點浪費， 尤其朋友都轉送左好多比我⋯⋯     我有成堆認字卡喔～～～～（掩面）   所以！！！ 把心一橫，都係將認字卡放在當眼處， 咁就會時不時見到～～～ 我特登買左呢個掛布： 專門放認字卡！   可以放到五行， 仲要超級FIT SIZE！ 呢個掛布，當然又係來自偉大既淘寶啦XD     常用既認字卡： 幼稚園派的，有中文名詞： 英文名詞： 圖形、數字、顏色： 朋友家人轉送的認字卡： 呢款有埋拼圖設計，可以多元化少少，但唔見左就好麻煩XD     平時點用，我當係小遊戲咁玩咋：   1) 尋找 我講一個生字，丁丁要搵返出來，有時我會扮同佢鬥快～   2) 配對 將同顏色既組合，又或者同類型既組合，好似紅色既物件、吃飯用的餐具、公園見到既野、食得既野⋯⋯ 咩都得，你會發現佢地平時觀察同記得既野係好多好多！   3) 說故事 認字卡以故事形式去表達，有趣好多架   由於丁丁仲細個，多數都係認圖案，詞語生字未認到， 但慢慢玩玩下，接觸多D，有興趣多D， 唔會抗拒學習呢個必經過程， 希望丁丁遲下會學得又快又開心啦！ 最緊要佢可以享受學習， 愉快的學習心態是好重要的喔！！！      三歲半的丁丁， 越來越多嘴同愛痴人～～ * * * * * * 丁丁日常： [育兒有感] 電子奶咀 定 與時並進 [成長日記] 3Y3M 分床訓, 達成! (加淘寶小分享) 親子小時光～ 一起共讀的樂趣！ 淘寶寶。淘小朋友去飲衫! 過年衫! 細細佬日常： [細細佬成長日記] 未戒夜奶又如何？！ 【嬰兒車推薦】買BB車的六大要點!＋ 推介開箱文Combi Mechacal Handy２! * * * * * * Follow:FB: www.facebook.com/MrsKan.blog IG: mrskan_net (http://www.instagram.com/mrskan_net/) Youtube: Mrs Kan (http://goo.gl/9EqI55) Kan夫人。生活雜記 歡迎聯絡合作: Email: ja20121111@gmail.com http://www.ja20121111.blogspot.hk