就快放暑假，好多媽咪都會開始打算幫小朋友報讀暑期課程，或安排課外活動, 我都幫大囡安排咗啲小活動玩。 咁BB喺夏天又學什麼好呢？其實天氣熱, BB最好學戒片。好似我對孖B咁, 現在兩歲幾，嚟緊九月就會返學前班 (N班)，所以都趁天氣開始熱, 幫佢哋戒片。 孖B喺一歲多的時候，已經開始比適應坐廁所，讓佢哋適應wee wee 同poo poo落廁所. 當然, 初期佢地當然唔適應, 唔知坐喺個有洞嘅馬桶上做咩, 所以有時都只係得個坐.  不過每次佢哋wee wee 或poo poo 咗, 就算已經痾喺片片度, 都會帶佢哋去馬桶坐一陣, 教導佢哋下次如果wee wee poo poo 應該要去廁所啦. 當然唔係一次兩次就聽得明, 但BB會慢慢知道, 慢慢嘗試. 夏天適合戒片, 因為在家可以只著戒片褲, 再加條薄薄褲仔, 就算真的瀨濕了都唔駛洗咁多件厚衫褲仔. 不過，幫BB戒片其實需要無限的耐心和愛心，千祈唔好因為BB唔小心瀨濕了就對他們發脾氣，咁樣會令到大人同小朋友都好緊張. 一般來說，兩歲後的小朋友其實是戒片的好時間，一來他們開始懂得聽從指示，而且亦開始懂得表達和控制大小肌肉。 不過，每位小朋友的適應能力都有不同, 千祈唔好同其他小朋友比較, 亦唔好定限期幾時一定要成功完全戒片, 要俾多啲信心小朋友.    FB: https://www.facebook.com/AnnieLeeDiet/ #戒片 #weewee #poopoo #營養師 #Nutritionist #AnnieLee