副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

接受大家是一位不完美的新手媽媽/爸爸

話咁快蠔豉妹妹就快11個月大啦~由知道有左到宜家,都差不多年半有多~陀緊既時候,我同老公都有好多諗法,不過到蠔豉妹妹出世後,我地又開始有好多細微既分歧...我會覺得老公陪妹妹既時間唔夠多,每日都會打機

  話咁快蠔豉妹妹就快11個月大啦~  由知道有左到宜家,都差不多年半有多~  陀緊既時候,我同老公都有好多諗法,不過到蠔豉妹妹出世後,我地又開始有好多細微既分歧...  我會覺得老公陪妹妹既時間唔夠多,每日都會打機。  老公就覺得我有時出街太耐無得一齊幫妹妹沖涼。  我會覺得其實小朋友有少少損傷其實好平常...  老公一見到妹妹面上有抓損既痕跡已經好心痛~  仲有好多、好多事,我地都有唔少分歧。  不過,其實都好少事,我地會係蠔豉妹妹面前表現出我地既不滿,但都一樣會係妹妹面前解決同和好~  世上從來都無完美既人,我地都唔要求對方完美~  而且完美既諗法好主觀!  對方做到100%你要求既野先係完美,但現實係世上連自己都做唔到 :p  蠔豉妹妹出世後,的確我地既重心都放左係佢身上。  但我知我唔係一個完美既媽媽。  我都想有私人時間,我想去做gel甲、想同朋友去high tea!  老公都一樣想同朋友去飲下野、想去打下機~  但唔代表出左街或打機relax下既時候就唔愛、唔錫小朋友,係咪?  有小朋友係一件幸福既事,但好多生活習慣、觀念都會因為小朋友既來臨而有所改變,就等大家一齊去學習、一齊去接受 :)  記住,人無完美~不過,我相信2個一齊努力,蠔豉妹妹都會接受我地 :p       我終於都幫蠔豉妹妹開左FB la~大家想睇佢日常無聊事就可以睇下:p 蠔豉妹妹之貓奴生活   Facebook : 80後的人妻「旅」友  Instagram : https://www.instagram.com/wingring 合作/邀稿 : wingring417@gmail.com / wingring@ymail.com