歡歡9個月人仔已經去左兩次旅行了  其實同BB去旅行又有咩好 其實只要有充足既准備 同BB去旅行並唔難   歡歡第一次同歡媽去旅行既時候係7個月大 個時歡媽仲餵緊全人奶,而且係全埋身的 而歡都係一餐加固 所以第一次旅行是比較輕便 一個奶樽都唔洗用 但都帶定以備不時之需 第一次去既地 方係日本大阪 呢次既旅行係加埋奶奶老爺菇仔同婗生女 一行5大2小浩浩蕩蕩咁出發 是次行程係7日6夜 日本係一個非常breastfeeding friendly 既國家 好多商場都有NURSING ROOM 仲連高速公路的中途店都有 而且日本人都好有公德心 中途站的NURSING ROOM 一啲都唔污穢 仲好多設備 大讚!   因為歡歡係奶咀B 冇奶咀佢好難訓得著 所以唯一要消毒既 就係奶咀 好方便 我地自備旅行水煲 夜晚煲左熱水 用野菜洗捽下 放番入保鮮袋 第二日又可以用 所以我非常建議媽媽門可以趁未加固之前 去一個小旅行 當係獎勵一下自己 揍BB咁辛苦   第二次歡歡去旅行已經9個月大了 兩餐加固,3餐奶粉 因為歡媽已經陀住喜喜 所以歡歡8個月大 已經冇比人奶佢食了 今次我地一家三口去左BANGKOK 因為加固既關係, 所以買左幾包即食既粥仔比歡歡 睇過成份係低鹽無納仲要有機 同埋我地都係去5日4夜 係香港我係每日新鮮煮比歡歡食 而奶粉呢 我地就買左即用即棄既playtex奶袋 要配番playtex樽 但個奶咀size係3+ 歡歡係大仔B 3+出得太慢 我就事前整大佢(牌子係PIGEON) 等佢出奶出快啲食快啲 (事源係歡歡大食怪上身 9安奶 5分鐘食晒) 不過始終個奶袋個DESIGN 唔係咁好, 出奶都唔係咁易 我地估要好大力先啜到有奶 所以歡歡係個邊8安都飲唔晒 成個去BANGKOK既過程都好SMOOTH 因為得2個大人 冇之前5大2小咁LE HEA 再加上歡歡係好小扭計既BB 佢10次有9次喊都係因為眼訓 係BKK咁多日佢都係乖乖睡寶寶 同埋值得一提既係酒店 因為bangkok真係熱到HIGH HIGH 日日都40度咁樣… 我地都好少出街 都留係酒店 係POOL到游水水 酒店仲有提供左BB床同埋BB車 嘩 我地一心諗住同咩帶 好采有車…如果唔係 歡爸同歡歡兩個會一齊溶左 所以㨂間靚小小既酒店比多少少錢係值得嫁   歡歡玩得好開心呀