今晚等阿食埋奶，準備同老闆睇世界杯既時候突然比老闆踢左幾下，咁我就望下佢啦，佢就比左部電話show比我睇 mamibuy既FB page.....我見到之前自己打果篇文章，首先非常感謝mamibuy post 左我篇野出黎，更要多謝有睇過小弟寫既每一次爸媽讀者們，我文筆唔太好，見諒見諒。 . . 系呢四個月黎，囡囡出世後家庭裡都出現左不少既變化 例如：生活習慣、社交生活、飲食習慣、閒時動向都產生不同淺談到深入既變化，當中比較大既可能會係夫妻間出現既問題相對會比較多！ 利申一下先：我同老闆又其實冇乜話好大既問題存在或發生，可能源於我地識於微時，對大家既了解都好多咁變左我地遇到問題應該點樣會解決同埋應該點樣去面對！ 咁可能有朋友人問：點解你又走去打呢個題目呀？玩野呀？ 唔好意思，我絕對唔係玩野！係認真野黎既，雖然話我同老闆間冇野姐，咁我地會反思下家嘛，咁唔係話冇野就唔洗關注d野家嘛。 舉個小例子：有一晚十點鐘啦，阿囡要去食奶訓啦，咁老闆就抱佢番房食奶訓啦，咁我就系廳睇緊雜誌（電子產品）啦，咁我梗係醒啦，去將bb床由廳推番入房啦，咁我推完就去校暗埋盞就出番去坐陣，呢個時候.....老闆用左一把豪邁少少既聲線叫我....原來係咩呢？我冇擺好紗巾系順手既位置，另外我冇睇到房既尿片夠唔夠，咁我當然係：係係係！我去處理番咁啦。 呢件事帶來乜野呢？可以諗到乜野呢？ 假若我地大聲對話，聲音不友善，bb一定會聽得出，因為有時我系屋企電話講大聲少少阿b望住我既眼神會變得不一樣，由果一刻起我知道我要檢討既地方！ 若果有d人心態唔好，只會諗自己冇問題時淨係諗伴侶有問題....試問段關係又點會好呢？又同時間如果做人父母自己都冇檢討過冇自我反思過，子女又點會做得好呢？ 有時去飲茶或者搭巴士，你會好自然聽到隔離位d人會系度話人有時題乜野果個又做得唔好乜乜乜咁樣！ 試問一下你估果個人本身做得好唔好丫？我好認同子女係父母既複製品，佢既心態及處事都源於我們身上，如果我地都唔識體諒相處，共同解決問題，我地既子女又點會做得好呢？ 我相信每個子女都唔想系一個唔好既相處溝通方式既地方成長既 *同埋同埋，父母去增值自己為既唔一定係自己嫁，培養好不斷學習既態度對子女成長都有一個超好既作用 今晚寫住咁多先，法國隊今年捧盃好有機呀 假如喜歡小弟寫既野不妨like & share丫