懷孕初期未見肚，3個月前少會公佈，有時候會忘記----原來自己有左！一個好apps絕對可以將懷孕呢件事形象化，令自己鼓起勇氣渡過懷孕引致嘅不適，關關難過關關過。 坊間有好多唔同類型嘅apps，大同小異，為孕媽媽加油。懷孕嘅時候，我裝左2個懷孕apps。一個係外國嘅apps，將呀b嘅size形象化，如罌粟籽 4週●蘋果籽 5週●豌豆 6週●藍莓 7週....早孕時期，哥哥同細細夾手夾腳玩謝媽咪:胃氣脹、長期鼻塞、反胃作嘔，個陣時同自己講: 呀B慢慢升呢到蘋果籽咁大啦！撐住呀！除此之外，呢個外國apps每日送上文章講述呀b嘅成長歷程，每週亦有個總結。個陣時為左呀B呀B，每日/週爬文，有助了解唔同時期所需營養，亦為黎緊嘅孕程作準備，讓新手爸爸媽媽都能安心。 第一次睇西醫，一照次下，原來係孖胎！呀Bs嘅形象係我心目中變成2粒紅莓 8週●2粒青橄欖 9週●2粒西梅 10週●2個青檸 11週●2個布冧 12週●2個桃 13週●2個檸檬 14週●2個橙 15週●2個牛油果 16週●2個洋蔥頭 17週●2條蕃薯 18週●2個傳家寶蕃茄 19週●2個小型哈密瓜 20週●2梳香蕉/2個魚翅瓜 21週●2個魚翅瓜 22週●2個大芒果 23週●2條粟米 24週●2個大頭菜 25週●2條溫室青瓜●26週2個大椰菜 27週●2顆大白菜 28週●2個胡桃南瓜 29週●2顆捲心菜 30週●8個橙 31週●4個菠蘿頭 33週●2個哈蜜瓜 34週●2個蜜瓜 35週●2個甜瓜 36週 回想懷孕初期，呀B呀B得兩粒藍莓咁大嘅size時，我成日用兩隻手指頭比一比藍莓咁大嘅手勢，爸爸睇到會心一笑，成件事難忍我同爸爸心中嘅喜悅。由藍莓size到30cm，得來不易。30cm係一個特別嘅數字，媽媽細個用把長間尺都係咁長。轉眼之間，媽媽所預算呀b呀b嘅長度，要兩隻手先可以比得到。兩棵大白菜係媽媽個肚裡面，生命真係奇妙!我亦會根據佢地個星期嘅生長情況叫佢地，例如 :喂！香蕉仔睇下! 而280days呢個apps亦都有以上嘅功能，多左嘅就係產檢超聲波紀錄同埋心情紀錄。 心情紀錄我冇做到，因為實到唔想早、晚孕不適嘅時候寫低自己嘅唔開心，影響自己嘅心情。我最喜愛嘅係同呀B呀B一齊成長嘅感覺，呀B呀B每日都同媽媽講野，氹媽媽開心，例如BB識得同光線玩遊戲，提媽媽早啲瞓、孖生BB係第20週知道對方嘅存在、第三個月呀B呀B嘅大小係初孕時嘅400倍等。 個時媽媽要安胎，一啲鼓勵嘅說話，如:放心吧!我就在你身邊、我一直陪著你喔！成為媽媽嘅心靈上嘅安慰。 Apps內動畫嘅隨住呀B呀B週數增長，一啲生理特徵如臍帶，會係特定週數展示。而揮拳同踢腳亦相繼出現。 280days俾媽媽知道懷孕唔係一個人嘅事，其實好多人都支持自己。外國apps只得媽媽自己一個人參與，而280days會鼓勵你邀請爸爸、屋企人都裝，將資料連結(重點體重可以保密喔，哈!)，讓其他人同媽媽渡過不容易嘅孕期。等屋企人陪你倒數，媽媽唔駛特別交代，公公會自自然講:恭喜阿B呀B今日三個月大啦！媽媽感覺到屋企人會更加明白自己，齊心倒數呀B呀B100日（三位數）、99日（雙位數）同埋第24週....一啲創新嘅數字同埋重要嘅日子。 280days讓爸爸提早感受當爸嘅感覺，仲會不時俾爸爸意見，例如提爸爸帶媽媽出街食飯放鬆心情。 爸爸知道媽媽辛苦，連不嬲唔記紀念日嘅爸爸，係求婚紀念日都傳來電子版花束，物輕情意重! 280days 呢個apps充滿互動，成件事好似養他媽哥池，孕媽媽可以略為忘卻不適。哥哥細細11個月大，最近再開280 days，看到“開始新的”，哈哈！養BB如果似養他媽哥池咁輕鬆，我先會養多幾隻啦！所以係呢度分享呢個apps俾大家，然後解除安裝。祝你好孕!   #新手媽媽歡迎俾意見 #交流嘅好處 fb.              哥哥細細 //小眼睛s看世界 ig.              cannyahn