副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

多謝閨蜜們對我既細心 閨蜜3大細心行為令媽媽甜晒

我係一個90後媽媽,係自己既圈子中係最早生bb既一個。好多時候、好多心事身邊既朋友都未必完明白,特別係同埋bb出去,好多時候朋友們都未必察覺得到自己既需要。當然我地可以主動請佢地幫手,但有時真係會覺得

我係一個90後媽媽,係自己既圈子中係最早生bb既一個。好多時候、好多心事身邊既朋友都未必完明白,特別係同埋bb出去,好多時候朋友們都未必察覺得到自己既需要。當然我地可以主動請佢地幫手,但有時真係會覺得麻煩到人,好唔好意思。但其實有時候,好少既行為都已經可以令我地好窩心。 1。係食飯既時候,可以幫手抱一陣bb 作為一個人奶媽媽,我係經常性覺得 好!肚!餓!一到食飯既時候,就會好想大啖大啖咁食,但唔知點解,10次入面,有8次bb都會係呢個時候扭,抱住佢食飯除左食得好方便,仲好唔盡興。係呢個時候,我既閨蜜都會主動講:「我想抱下bb,你食先啦,我轉頭再食。」其實每次聽到,都會好感動,因為做媽媽真係好少機會有安落茶飯食,有人幫下手可以舒服地食餐飯係人生一大樂事。 2。餵緊奶個陣可以斟杯比媽媽 餵緊奶個陣/湊到攰個陣,真係好想飲水,愈餵奶就愈口乾,有時想飲水,但抱住佢又行唔到去斟,呢個時候,我會請我閨蜜幫我斟杯水,講左一次之後,佢都會記係心入面,每次係我餵完奶都會幫我手,老實說,仲細心過爸爸。 3。上落樓梯,幫手扶一扶 好多時候,我地都會孭住bb出去,但好多時都睇唔到前面既路,你知啦,孭住bb跌親,真係好大獲,如果可以,係我地上落樓梯個陣扶一扶,萬一有咩事都可以捉住我地吖嘛! 雖然成為圈子最先有bb既人,好多野朋友們未必明白。但我地唔好嬲佢地唔幫手/唔體諒,因為佢地都要學習,就好似我地要學習做媽媽一樣,有咩想朋友幫手,都可以主動講,佢地係我地最好既閨蜜,一定會幫你手減輕你壓力架!