一般來說，寶寶到左3個月左右開始吽牙仔 即係牙仔會好痕，好易發憫憎，又會流好多口水 除左要開始幫寶寶戴口水肩之外，就係要買牙膠俾佢咬下 舒緩一下吽牙仔嘅不適，而且帶出街時都要準備牙膠俾佢 等佢地有安全感同埋唔怕無聊係度大叫大喊～   就孖吉而言，我買左幾款俾佢過下牙癮 由孖吉三個月到依家差不多一歲仍然很喜歡某一、二款牙膠 但某d就打入冷宮，等我分享下孖吉曾經用過及最愛牙膠先～   由左至右 1) 熊仔牙膠  2) 香蕉牙膠 3) 麵包超人搖鈴 4) Mides金牌牙膠 5) Gameboy自訂牙膠 6) Manhattan手抓球搖鈴牙膠 7) 手指牙膠 ～～～～～～～～～～～～～～～～～～～～～～～～～～～～～～～～～～～～～～～～～～～～～～～ 1) 熊仔牙膠 (喜愛程度不太喜歡) 好處係平，係某BB展用超抵價1蚊買返黎 唔好就係一陣膠味，好難聞，好驚BB食左有毒，打入冷宮   2) 香蕉牙膠 (喜愛程度不太喜歡) 好處係周圍都買到，而且造型可愛 但係中間蕉芯太長，BB唔識就力一野放入口好易哽親，孖吉哽過幾次，好危險，打入冷宮   3) 麵包超人搖鈴 (喜愛程度超級喜歡) 好處係佢有５粒唔同形狀嘅膠粒，孖吉咬完一粒唔夠喉可以換手咬過另一粒，又可以發出鈴聲 壞處就係要自行配條繩去綁，同埋佢原意唔係牙膠黎(係孖吉當正佢牙膠用）   4) Mides金牌牙膠 (喜愛程度很喜歡) 係聽Mides產前講座送既；好處係大大舊，有足夠厚度，令寶寶咬得舒服，圓形又方便佢拎 壞處就係個夾唔係好實，當夾住寶寶件衫時佢佢大力一拉，好易拉走會整唔見   5) Gameboy自訂牙膠 (喜愛程度很喜歡) 係Facebook網店訂造的(可自訂英文名)；好處係有不同形狀，可以訓練寶寶手部靈活，而且每粒珠甚至扣都可以咬，個扣都好實，包保唔會咁易唔見～ 但係價錢唔平，清洗每粒珠可能要花多點時間   6) Manhattan手抓球搖鈴牙膠 (喜愛程度不喜歡) 係日本Amazon訂返黎，聲稱可以訓練寶寶眼同手既協調，又可以教寶寶不同顏色嘅牙膠 但係孖吉一D都唔鐘意呀，佢用黎當波丟，唔知道係牙膠黎，可能一條條口感唔好，而且清洗麻煩   7) 手指牙膠 (喜愛程度麻麻地喜歡) 有個手握位方便寶寶拎住黎咬 但係質料太林身，佢咬一陣就放底；而且範圍細，好快冇癮   綜合以上牙膠既實戰試用，我覺得我家孖吉最鐘意比較大同比較硬身嘅牙膠 就媽媽而言就最鐘意易清洗同個扣實淨唔易跌嘅牙膠 希望各位媽媽儘快搵到自己及寶寶們最愛嘅牙膠   ～～～～～～～～～～～～～～～～～～～～～～～～～～～～～～～～～～～～～～～～～～ Email: qqyanyan@gmail.com IG Follow: qq_chinchilla 專頁: 孖吉的成長日誌 腳印: MamiBuy Esdlife Ohpama