新手家長特別緊張子女成長發展，尤其係BB半歲開始進食固體食物（簡稱︰加固），部分家長過早或者急於BB試下新食物，但我就無太急進，見就快6個月就試試整下啲加固畀Aster試下味先，每日嘗試少少米糊、果蓉、瓜蓉等等。 BB加固嘅料理其實可以好簡單，第一步可以用米糊適應下先。米糊顧名思義就係將米煮到變糊，即係再爛啲嘅粥仔。所以破壁機真係好幫手，準備好材料統統放入去，撳個掣就可以煲起粥再打成米糊，輕鬆駕馭到營養加固餐單。   材料： 白米 90克/半杯 甘筍 半條 (最多同白米份量相約) 水 2碗 (白米份量4倍)   步驟： 1. 洗米，然後浸米30分鐘 2. 甘筍切塊，備用 3. 將浸透嘅白米放入美的破壁機BL1188，再落水，最後落埋甘筍 4. 調至【自訂模式】，按上面【十】預設時間10分鐘，其間會煮熟材料 5. 最後調至【3號】打磨功能，打至糊狀就完成   小貼士： —開始加固份量唔需多，煮一啲糊、蓉減低BB腸胃負擔   —BB再大啲可以增加水份量，將材料煮成粥 —每日煮到新鮮嘅為主，有時太忙或者要出街先用罐裝米糊 —每次基本煮一碗份量好啦，BB食物唔建議煮定拎去雪藏翻熱       是次小分享完畢，有興趣可按 麵語錄食玩遊記 by Aminn 或 C家重地 其他分享 :)     Aminn | Beauty．Food．Fun．Travel．Trendy｜    麵語錄食玩遊記 by Aminn (Lifestyle) www.facebook.com/m.for.aminn / www.instagram.com/starzaminn    C家重地 (Parenting) www.facebook.com/sy.lam.family   任何合作請接洽：aminn613@gmail.com