魚B出世已經5個月... 呢5個月真係忙到瞓都無時間... 係產後變化真係好大... 亦都有好多估唔到既情況發生... 呢個時候，身邊既神隊友真係救左佢老婆我一命.. 我從來冇預計做人媽媽原來係咁辛苦... 湊bb有咁多學問.... 其實整個孕期,神隊友所有政府，私家產檢都陪住我...產前講座只要我想去.. 佢朝早收工都會飛去同我一齊聽.. 好多功夫準備..包括煲薑醋...神隊友都一手包辦... 會上網睇定資料..等我呢個淆底媽媽個心定d.. MIDES 產前講座 農民刨薑XD  建議大家買仲好,,太多功夫先煲得成 到BB出世..神隊友發揮左佢好大既宇宙.. 就係做神級陪月員.. 足足拎左一個月假陪我坐月... 由番到屋企個日開始照顧bb.. 沖涼,換片,洗衫,洗奶樽,煲上奶湯水,煮坐月餐.. 都係神隊友做晒..仲要準備薑皮水比我沖涼同浸腳...半夜要餵奶.. 佢都會起身幫bb換片再瞓係側邊... 呢一個月我相信佢比我更辛苦... 因為佢仲要照顧埋我既情緒... 我相信呢種壓力唔係人人都受到.. 當然...佢都會有發左癲既時候... 例如bb唔知咩事狂喊..佢太攰都會燥左.. 呢個時間我就會出手叫佢休息.. 到今日..神隊友依然係神隊友.. 除左佢番通宵既日子.. 洗奶樽,洗衫,bb換片,煮飯..佢都會幫手我做.. 出街揹晒bb野..我仲有機會用[手袋仔] 埋身餵奶佢會ready抱番bb比我執野... 點解我會打呢篇感謝文呢? 因為今朝佢出左門口... 佢又洗晒d奶樽去消毒..等我洗小一轉.. 我瞓落床望住天花板0係到諗... 呢幾個月..我太關注BB... 無疑會忽略左神隊友既情緒... 佢又要番工,放工又忙屋企野.. 仲要成日比我蝦.. 無人天生識做媽媽,其實都無人天生識做爸爸 :) 神隊友,多謝你 ♡ 多謝你咁愛我同BB,為我地既家庭付出咁多 ♡