副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

幾年間的大轉變,生B前後大不同。

上星期的起心肝清一清電話入面d舊相,比我見返十年八年前既自己,先發覺短短幾年間自己真係有好大轉變,由以前喺朋友眼中的傻婆,變成現在喺小朋友眼中的媽媽,唔睇返D相都唔發覺原來可以轉變咁大。以前.....

上星期的起心肝清一清電話入面d舊相,比我見返十年八年前既自己,先發覺短短幾年間自己真係有好大轉變,由以前喺朋友眼中的傻婆,變成現在喺小朋友眼中的媽媽,唔睇返D相都唔發覺原來可以轉變咁大。 以前......覺得女仔一定要有一把長長頭髮,要識得化下妝,得閒打扮下,所以高跟鞋同我形影不離,另外每星期點都有1-2日放工後飲返2杯酒...放鬆下心情, 正!!! 做媽後......為左方便打理,頭髮越剪越短,以前屋企堆積如山的高跟鞋已經慢慢消失,現在已改為著得輕便舒服的AIR波鞋!! 以前......襯足一個鐘頭衫先出街,拎住個只可以放到電話同紙巾的小手袋 / CLUTCH扮下時尚。 做媽後......出門口前用一個鐘幫小朋友飲奶刷牙襯衫換衫,自己長期一件TEE+牛仔褲再加個大袋,小朋友9萬幾樣的日用品全部孭晒上身。123....GO。 以前......WEEKEND會同閨密們 SET晒頭、化晒妝去酒店嘆HIGH TEA, 飲咖啡,無無聊聊HEA足一個下午!!! (未結婚鐘意HIGH TEA扮闊太,結左婚最闊的......只有塊面 =.=''') 做媽後......WEEKEND現在去得最多除左公園,就係小周董的不同朋友仔的生日PARTY!! 以前......最鐘意去旅行的我,一年至少3次旅行,曾經瘋狂到試過辭工半年,去足8個不同國家旅行,哈哈...我真係好鐘意去旅行呢!! (十年前窮遊都可以好好玩, $999 泰國4天遊, 去日本都係 $1999....好懷念啊 >.< )   做媽後......一年至少3次踏入不同的主題公園,我相信小朋友鐘意去主題公園的程度,應該比我鐘意去旅行還要高。 以前......最怕污糟的我,但做媽後會同你一齊MESSY PLAY....!!! 以前......覺得訓覺應該係一種享受,但做媽後只要一覺可以訓天光已經係一種福氣。 以前......最怕陽光最怕變黑的我,做媽後只要你開心,日日同陽光玩遊戲,比你用水槍任射我都毫無怨言。 雖然只係幾年間的事,但以前的我好似變得好遙遠,雖然有時都會好懷念以前可以任性地玩樂的日子。但做媽後......小朋友成為左我的全部,好多時已經忘記左自己,有時睇到網上D文章問:你夢想係咩? 我真係唸唔到自己夢想係咩....只係有時唸我呢世人最想做既事係咩呢? 做媽後...我最想做既事全部同小朋友有關,因為同小朋友一齊做任何事都已經變成我最大的快樂,當然我亦想再次重拾返我的興趣,就係旅遊,我好想可以同大小周董2兄弟去多D不同國家, 一齊放眼世界, 見職不同文化, 一齊食唔同國家的食物, 一齊拎住地圖用BODY LANGUAGE去問路搵地方... 呢D回憶有錢都買唔到。 唔知<<<旅行>>>算唔算係一個夢想呢? 如果算...我希望黎緊呢幾年,我呢個夢想可以同大小周董一齊實踐多幾次...哈哈!! ^^ 媽媽們: 除左湊小朋友之餘都唔好忘記自己興趣,對自己好D啊! ^^ www.facebook.com/1437ritaandhim 歡迎大家給予意見,如有任何邀稿、出席親子活動或產品試用,請電郵聯絡: ppqq1437@yahoo.com.hk,我的其他15個BLOG分享包括: Instagram, Blogspot, BeautyExchange, Oh爸媽、24partent專家博客, Weshare, she.com, theZtyle, ELLE.com, style-tips,  U Blog, Esdlife靚太club, QOOZA, Mybb.com,  ClassesWePlay星級blogger, Mamibuy駐站部落客, OpenRice(級別4)