早前就參加左同年同月同日出世既BB半歲Party 亦都係文一媽同文一一第一次參加BB聚會 （文一爸都係上班中） 記得好似係個半月前先決定搞 要搵場地，贊助，飲食方面，BB主題衫 所以都比較趕時間。。。 好啦！去相先，最後先講下BB聚會搞手小注意 （由於文一媽1on1，文一一當日唔知點解好易喊） （所以好多相都係從其他媽媽到得來的，感謝！） 當日有22個同年同月同日出世既BB一齊玩（好多贊助...哈哈） 爸爸點解要一齊黎？ 因為要負責影相＋雜務（哈哈哈） 有兩位爸爸幫助影家庭相同功課相（抽獎贊助相） 真係非常感謝！！！ 見到文一一嗎？（爆喊中） 一堆BB喊聲好恐怖 新認識既朋友仔（右），佢非常活躍，全程無喊，勁開心 加埋媽媽合照 （大家都係90後媽媽） 全場媽媽好似我地係最年輕 沉思中，第一次坐學行車（影完張相又喊過） 可能因為掂唔到地（哈哈） 半歲BB birthday Cake  又靚又好味 最後當然要show下贊助禮物啦 有d係抽獎中，有d係每個BB各一份 （點解我會抽中粉紅色hello kitty牙刷，文一一係仔黎）   BB聚會搞手小貼士 1. 如找贊助，請最少預兩個月前開始準備 （因為要like & share page/+ post/+ 留言，同公司預備禮物） （愈早開始準備，可以搵到愈多贊助） （但相對的，抽獎時間同要影既功課相都多左） 2. 未必需要叫到會，準備每人1-2包飲品同小量小食已足夠【我地就是這樣】 （因為要照顧BB，又要食奶又要換尿片又要影合照家庭照） （book場3小時，係無咩時間比你坐底慢慢食野） （連互相認識既時間都得好少，免得浪費食物）   最後小注意： 家長們去完playroom後最好幫BB小朋友消毒雙手 或者玩途中都定時消毒下 天氣又炎熱，BB小朋友很容易中手足口病 希望大家得開心又安心 ------------------------------------------------------------------------------------ ～～文一一的成長日記～～ Facebook Page： https://www.facebook.com/charlesmanmama/ Instagram： https://www.instagram.com/lai_hung_winnie/ 聯絡邀文或試用產品: laihwong9@yahoo.com.hk