由陀住檸b開始 就每日睇住老公兒時嘅一張靚相~睇住檸b餅印級嘅發展，老公張相睇得耐又有感情，就好想幫檸b影張類像嘅相(❁´ω`❁)*✲ﾟ 搵左好耐，發現有龍鳳嘅酒樓真係買少見少。之前有展覽講龍鳳又過左，稻鄉飲食文化博物館又較難book。 最後搵到 美樂照相館 ，隻龍鳳好岩心水 思前想後，就決定影左先（因為驚檸b西裝唔岩著同埋我自己都可以影~哈哈）。而博物館都會照book ~因為一直都想去行下，仔囡嘅相是唔嫌多，哈哈。 位於觀塘同牛頭角中間 由地鐵站行去大概15分鍾。一出lift已經有個士多背景圖同有張長櫈可以影同休息下。 入面好多懷舊場景，雖然無揀package就唔可以影，但可以參觀。更衣室都好有風味架。 老闆好好幫手哄檸b, 俾把扇佢又問佢食唔食糖。影完可以行下士多，士多景外係可以手機影相嘅檸b買左個鎚仔 全程舒服咁影，好多懷舊道具，爸爸順做影埋成長相  不錯唷 過左1日就收到數碼檔了，一星期後就收到實相，相底都係懷舊風格。好得意 後記: 大半個月後檸b條腰已扣唔到鈕 ...哈哈...小朋友大得好快   ------------ 以email聯絡檸媽 : snowsnowlam@gmail.com 也歡迎在fb inbox 我~ 檸檬頭 Facebook專頁: https://www.facebook.com/lemonkcal/