首先要自首先><”” 話說孖媽6月去完日本返黎，不知不覺Babies G係個5日已經又有進步， 反身，扶住企動作勁快.. 返黎第二晚…哄左哥哥係房大床訓覺，我就出廳餵妹妹…   忽然聽到哥哥大喊，個刻心知不秒，放低妹妹即衝入房… 哥哥已經跌左落地下大喊…孖媽個刻嚇到鼻哥lon都冇肉，即刻抱起佢呵… 再即刻打俾係澳洲既家姐問點算呀~~~ (因為驚俾公公婆婆鬧，第2朝先敢講) 好彩哥哥好快收聲唔喊，同佢左望右望都識跟住我郁，又玩又笑… 但孖媽個晚都訓得唔好，要成日望下哥哥有冇事。   第二日當然俾公公婆婆話啦…太冇警覺性!!! 所以即刻拎返之前買定既床欄用~~用時升起床欄，唔用時拍返落黎就搞掂!       另外以防萬一，婆婆都話要買定D地墊鋪地下~~ 但又唔想要砌puzzle 個款，覺得難清潔~~ 婆婆話最好買返用緊韓國playmat個D質地… 但韓國個D standard size又點岩房地下呀! 又去淘寶睇下…..喂喂!!!!真係有D類似韓國playmat款架wor~~ 最正有得自訂埋size，厚度同埋color!!睇comments都唔錯，就試下啦!! 間房地下長方形，可以一塊過/分兩塊~ 分兩塊仲可以四邊整魔術貼粘住… 收到貨!!!第一時間聞下，冇咩味wor~ 質地同韓國個D一樣，入面係foam黎~~ 除左鋪房地下，有時都會拎出廳連埋韓國playmat整大D地方等bbs爬!! 勁滿意~~   ---------------------------------------------------------------------------------------- facebook page : 龍鳳Babies G & 孖媽Gloria 邀稿/合作: twins.babiesg@gmail.com